WOW air fær lóð undir nýjar höfuðstöðvar sínar

Bæjarráð Kópavogsbæjar samþykkti á fundi sínum á miðvikudag að úthluta lóðunum Vesturvör 38a og b til WOW air undir nýjar höfuðstöðvar fyrirtækisins.

Flugfélagið óskaði eftir viðræðum við Kópavogsbæ á síðasta ári um að fá lóð undir byggingu níu þúsund fermetra atvinnu- og skrifstofuhúsnæðis við sjávarsíðuna á Kársnesi. Áætlað er að fyrsti áfangi hússins verði tilbúinn á árinu 2017 eða 2018. 

Í bréfi sem Skúli Mogensen sendi Kópavogsbæ í október kemur fram að Þá segir að WOW air muni halda samkeppni fjögurra eða fimm arkitektastofa um hönnunina. Hugað verði að tengingum við göngu-, hlaupa- og hjólreiðastíga og fyrirhugaða Fossvogsbrú. Lóðin eigi að hluta að nýtast almenningi og geti orðið áfangastaður fyrir þá sem fara um svæðið með einhverri afþreyingu.

Núverandi höfuðstöðvar WOW eru í Katrínartúni og Bríetartúni í Reykjavík og eru samtals tvö þúsund fermetrar.