Eldur kom upp í spennistöð

Rafmagnslaust er í hluta Vesturbæjar eftir að eldur kom upp í spennistöðinni við Granaskjól 31 á gatnamótum Nesvegar. Slökkvistarfi er lokið og vinnur Orkuveitan nú að viðgerð.

Svæðið sem verður fyrir áhrifum markast af Ánanaust, Skjólunum og Mýrunum. Samkvæmt upplýsingum frá Orkuveitunni má búast við því að rafmagnslaust verði á svæðinu eitthvað fram eftir degi.

Uppfært 10.30 Í tilkynnigu frá Orkuveitunni kemur fram að rafmagn sé komið á á stærstum hluta þess svæðis sem varð fyrir áhrifum af eldsvoðanum. Eftir standa þeir sem búa næst stöðinni, það er í Skjólunum og á hluta Nesvegar. Reiknað er með að viðgerð ljúki á þriðja tímanum í dag. Beðist er velvirðingar á þeim óþægindum sem þetta hefur í för með sér.