Marel semur við Datasmoothie

Marel hefur undirritað samning um kaup á þjónustu frá Datasmoothie sem er íslenskur hugbúnaður sem gefur Marel kost á að birta mælaborð, gagnvirkar skýrslur og greiningar sem lesin eru upp úr gagnagrunnum fyrirtækisins, segir í tilkynningu.

Lausnin er einföld í viðmóti og veitir notendum hraðvirkan aðgang að gögnum óháð tæknikunnáttu ásamt þess að gefur möguleika á aðgangsstýringu fyrir mismunandi notendahópa.

„Það er mikil viðurkenning að fyrirtæki á borð við Marel skuli ganga til samstarfs við Datasmoothie umfram samkeppnisaðila okkar. Við hlökkum til að hjálpa þeim að matreiða gögn á auðmeltanlegan hátt og tryggja að starfsmenn og stjórnendur taki upplýstar ákvarðanir byggðar á gögnum," segir Agnar Sigmarsson COO, Datasmoothie.

„Við hjá Marel sjáum heilmikið virði í því að geta á auðveldan hátt tengt saman lifandi gögn og greiningar við myndir, myndskeið og texta.  Datasmoothie gerir okkur þetta kleift á auðveldan og lifandi hátt.  Við hlökkum mikið til frekara samstarfs við Datasmoothie, en þeir hafa sýnt liðleika og áhuga á að útbúa lausnina á sem bestan hátt fyrir okkur umfram væntingar,” segir Sigurður Jónsson Enterprise Information Architecht, Marel.