„Þetta var hræðilegt“

„Þetta var í fyrsta skiptið sem ég upplifði eitthvað þessu líkt. Þetta var hræðilegt. Mjög ógnvekjandi,“ segir Joanna Palczewska sem var ein af farþegum farþegaþotu frá WestJet-flugvélinu sem þurfti að nauðlenda á Keflavíkurflugvelli síðastliðinn laugardagsmorgun.

Vélin var á leið frá Gatwick-flugvelli í Lundúnum til Edmonton í Kanada en rætt er við Joanna á vef Global News. „Það var verið að bera fram drykki þegar við heyrðum í einhverjum sem hljómaði eins og sprenging í einum af hreyflunum. Áhöfnin virtist áhyggjufull og það var greinilegt að eitthvað var ekki í lagi,“ er haft eftir Joanna.

Hún var ein af hundruð farþega vélarinnar sem þurftu að gista í Reykjavík eftir nauðlendinguna. Hún segir áhöfnina hafa tekið á þessu ástandi af mikilli fagmennsku. „En ég gat séð hvernig þau horfðu á hvort annað. Þau reyndu að halda ró sinni. Það var mikill viðbúnaður þegar við lentum, slökkviliðsbílar, lögregla og áfallateymi frá Rauða krossinum.“ Hún segist hafa upplifað ókyrrð í lofti áður en hún heyrði hvellinn í einum af hreyflunum.

Um klukkutíma síðar kom flugstjórinn út úr flugstjórnarklefanum og tilkynnti farþegunum að nauðlenda þyrfti vélinni á Íslandi.

Flugfélagið sendi síðan tvær vélar til Íslands til að ná í farþegana. Önnur vélin flutti farþega sem ætluðu bara til Edmonton en hin vélin flutti farþega til Calgary sem höfðu misst af tengiflugi frá Edmonton. Ekki er vitað hvað olli vélarbiluninni