Landsbankinn auglýsir eftir bankastjóra

Bankaráð Landsbankans hefur auglýst stöðu bankastjóra bankans lausa til umsóknar.

Auglýsing þess efnis er í atvinnuauglýsingum Fréttablaðsins í dag. Steinþór Pálsson, bankastjóri bankans, lét af störfum fyrir skemmstu og Hreiðar Bjarnason hefur verið starfandi bankastjóri síðan.

Farið er fram á að nýr bankastjóri búi yfir ótvíræðum leiðtoga- og stjórnunarhæfileikum og framúrskarandi hæfni í mannlegum samskiptum, auk menntunar og þekkingar á viðskiptaumhverfi og fjármálamarkaði.

Umsóknarfrestur er til 28. desember.

Fréttin birtist fyrst í Fréttablaðinu.