Verst að fá ekki tækifæri til að kveðja Tómas Þór Þórðarson skrifar 17. desember 2016 06:00 Stefan Bonneau er einn allra besti leikmaður sem hefur spilað á Íslandi en hann skemmti landsmönnum með frábærum tilþrifum. Fréttablaðið /Ernir „Þetta kom mér á óvart því ég bjóst ekki við því að ég myndi yfirgefa Njarðvík á þessari leiktíð,“ segir bandaríski körfuboltamaðurinn Stefan Bonneau sem Njarðvíkingar ákváðu að semja ekki við aftur, en samningur hans rann út í desember. Bonneau hefur heillað körfuboltaáhugamenn með tilþrifum sínum síðan hann kom til landsins í janúar 2014 en dvöl hans á Íslandi er lokið í bili. „Mér var sagt að Njarðvík vildi núna vera með stóran mann,“ segir Bonneau sem hefur undanfarin misseri vegna meiðsla sinna deilt mínútum með nokkrum öðrum bandarískum leikmönnum sem eru alltaf stærri og spila undir körfunni. Þetta hefur verið eitt af aðalumræðuefnunum í kringum Njarðvík en nú þegar Bonneau er heill héldu flestir að hann yrði fyrir valinu en svo var ekki. Þetta kom þessum smáa en knáa bakverði verulega á óvart en skilaboðin fékk hann ekki frá Daníel Guðna Guðmundssyni, þjálfara liðsins.Bestu stuðningsmennirnir „Danni sagði mér ekki frá þessu. Ég fékk bara skilaboð um þetta og vissi ekki alveg hvað ég átti að segja. Ég fékk sjokk þegar mér var sagt þetta ef ég á að vera heiðarlegur. Ég vissi ekki hvað ég átti að segja eða gera,“ segir Bonneau sem hugsar þó bara með hlýhug til Njarðvíkur. „Þó ég hafi ekki verið alveg sáttur við hvernig þetta var afgreitt yfirgef ég ekki Njarðvík með óbragð í munni. Ég elska fólkið þarna og stuðningsmenn Njarðvíkur eru þeir bestu sem ég hef spilað fyrir. Ég elska allt á Íslandi og mun sérstaklega sakna krakkana sem gáfu mér mikið og höfðu svo mikinn áhuga á öllu sem ég og liðið vorum að gera. Verst fannst mér að fá ekki tækifæri til að kveðja,“ segir Bonneau.Tók tíma að venjast Bonneau hefur margsinnis endurtekið hversu mikið hann elskar Ísland en sterk umræða um að hann myndi fá ríkisborgararétt skapaðist fyrr á árinu. Hann minnist þess þegar hann kom hingað fyrst um miðjan vetur. Bonneau er ekki frá Flórída eða Kaliforníu og vandist vondu veðri á uppeldisslóðum sínum í New York, en vetrarhörkurnar voru miklar þegar hann lenti fyrst. „Ég gat bara ekki vanist veðrinu fyrstu mánuðina hérna. Það var alltaf snjór og rok. Ég var að reyna að útskýra þetta fyrir vinum mínum en það þurfti að vera hér til að skilja þetta og aðlagast. Það gerðist svo oft þegar ég var utandyra að rokið feykti mér til og frá. Ég var reyndar mjög hrifinn af sólarljósi allan sólarhringinn,“ segir Bonneau sem er ekki bara góður í körfubolta heldur hefur útgeislun hans á velli gert hann að einum vinsælasta leikmanni deildarinnar undanfarin ár. „Ég elska að spila leikinn. Ég brosi bara því ég elska að spila körfubolta. Það var líka svo gaman hérna fyrsta tímabilið. Mirko [Stefán Virijevic] var herbergisfélagi minn og svo voru svo flottir strákar þarna eins og Magic, Ólafur Helgi og Hjörtur Hrafn. Maðurinn sem ég mun sakna mest er samt Logi Gunnarsson. Það er kóngurinn í Njarðvík og minn maður að eilífu. Logi Gunnarsson er langbesti samherji sem ég hef haft á ferlinum,“ segir Bonneau.Gæti komið aftur Bonneau var varla búinn að ná áttum eftir að samningurinn var ekki endurnýjaður þegar danska liðið Svendborg Rabbits með aðstoðarlandsliðsþjálfarann Arnar Guðjónsson í brúnni brást við skjótt. Bandaríski bakvörðurinn segist hafa gaman að því að prófa nýja deild. Hann útilokar ekki að koma aftur til Íslands og eiginlega langt frá því. „Auðvitað mun ég skoða tilboð frá Íslandi ef eitthvað berst. Ég mun aldrei hafna neinu blindandi frá Íslandi án þess að skoða það. Ísland er góður staður og þangað væri ég mikið til í að koma aftur. Deildin er skemmtileg og landið gott. Ég veit ekki hvað gerist. Við sjáum til hvað gerist í sumar eða jafnvel bara í janúar,“ segir Stefan Bonneau. Dominos-deild karla Mest lesið „Horft illum augum á þannig taktík í hlaupaheiminum“ Sport Yfirgaf æfingaferð Marseille í áfalli Fótbolti Eins og kleina þegar hún upplifði martröð spyrilsins Fótbolti Tilfinningaþrungin stund þegar Magnús Máni kom í mark Sport Onana með í dag en Man. Utd að landa markverði Enski boltinn Pólverjar bæta við sig Kana fyrir EM Körfubolti Kom inn á fyrir Dag, skoraði og kýldi mótherja Fótbolti Sjáðu markaveislu Arsenal og fullkomna byrjun Tottenham Fótbolti Arnar og Bjarki unnu golfmót Golf Vann hálft maraþon, fæddi barn og varð svo meistari í heilu maraþoni Sport Fleiri fréttir Pólverjar bæta við sig Kana fyrir EM Tap í síðasta leik fyrir EM „Lukkudýrið“ í mál við félagið ÍR-ingar sækja Grikkja á Álftanesið: „Sannkallaðar gleðifréttir“ Brotnaði saman þegar hann bar liðsfélögum tíðindin Faðir Boston Celtics stjörnu handtekinn fyrir morðtilraun Yngri Agravanis-bróðirinn í Stjörnuna Beittu sér fyrir keppnisbanni Ísraela: „Ekki fengið nógu marga með okkur í lið“ Yfirlýsing KKÍ: Hætta ekki við leikinn við Ísrael Almar var kominn alla leið til Bandaríkjanna Haukur Helgi meiddur og Almar kallaður inn í hópinn Nánast allar treyjur uppseldar fyrir EM Erfitt að horfa á félagana detta út Craig Pedersen um erfitt val á EM-hóp: „Frábært vandamál að glíma við“ Forseti Íslands hvatti landsliðið til dáða Giannis loksins mættur en Grikkirnir neita að útskýra fjarveruna Svona er hópur Íslands sem fer á EM Keflavík semur við Breta: „Þekktur fyrir öfluga nærveru í teignum“ Manchester heimsækir Síkið og Tindastóll fer til fjögurra landa Mögulegt áfall fyrir Slóvena í aðdraganda EM Tryggvi lét mest til sín taka í tapi gegn Portúgal Khalil Shabazz til Grindavíkur Fyrsti sigur á Svíum í 33 ár og feðgar í aðalhlutverki í báðum Eiginkonan líkir þjálfara Slóvena við Gosa Keflavík fær bandarískan framherja Misstu Martin út en sneru leiknum og unnu Svía Jaka skilinn eftir og þrettán leikmenn berjast um hin tólf sætin Með fyrsta þrjátíu tuttugu leikinn í sögu WNBA Ótryggður Giannis tekur ekki þátt í undirbúningi Grikklands Þjóðverjar unnu Doncic lausa Slóvena Sjá meira
„Þetta kom mér á óvart því ég bjóst ekki við því að ég myndi yfirgefa Njarðvík á þessari leiktíð,“ segir bandaríski körfuboltamaðurinn Stefan Bonneau sem Njarðvíkingar ákváðu að semja ekki við aftur, en samningur hans rann út í desember. Bonneau hefur heillað körfuboltaáhugamenn með tilþrifum sínum síðan hann kom til landsins í janúar 2014 en dvöl hans á Íslandi er lokið í bili. „Mér var sagt að Njarðvík vildi núna vera með stóran mann,“ segir Bonneau sem hefur undanfarin misseri vegna meiðsla sinna deilt mínútum með nokkrum öðrum bandarískum leikmönnum sem eru alltaf stærri og spila undir körfunni. Þetta hefur verið eitt af aðalumræðuefnunum í kringum Njarðvík en nú þegar Bonneau er heill héldu flestir að hann yrði fyrir valinu en svo var ekki. Þetta kom þessum smáa en knáa bakverði verulega á óvart en skilaboðin fékk hann ekki frá Daníel Guðna Guðmundssyni, þjálfara liðsins.Bestu stuðningsmennirnir „Danni sagði mér ekki frá þessu. Ég fékk bara skilaboð um þetta og vissi ekki alveg hvað ég átti að segja. Ég fékk sjokk þegar mér var sagt þetta ef ég á að vera heiðarlegur. Ég vissi ekki hvað ég átti að segja eða gera,“ segir Bonneau sem hugsar þó bara með hlýhug til Njarðvíkur. „Þó ég hafi ekki verið alveg sáttur við hvernig þetta var afgreitt yfirgef ég ekki Njarðvík með óbragð í munni. Ég elska fólkið þarna og stuðningsmenn Njarðvíkur eru þeir bestu sem ég hef spilað fyrir. Ég elska allt á Íslandi og mun sérstaklega sakna krakkana sem gáfu mér mikið og höfðu svo mikinn áhuga á öllu sem ég og liðið vorum að gera. Verst fannst mér að fá ekki tækifæri til að kveðja,“ segir Bonneau.Tók tíma að venjast Bonneau hefur margsinnis endurtekið hversu mikið hann elskar Ísland en sterk umræða um að hann myndi fá ríkisborgararétt skapaðist fyrr á árinu. Hann minnist þess þegar hann kom hingað fyrst um miðjan vetur. Bonneau er ekki frá Flórída eða Kaliforníu og vandist vondu veðri á uppeldisslóðum sínum í New York, en vetrarhörkurnar voru miklar þegar hann lenti fyrst. „Ég gat bara ekki vanist veðrinu fyrstu mánuðina hérna. Það var alltaf snjór og rok. Ég var að reyna að útskýra þetta fyrir vinum mínum en það þurfti að vera hér til að skilja þetta og aðlagast. Það gerðist svo oft þegar ég var utandyra að rokið feykti mér til og frá. Ég var reyndar mjög hrifinn af sólarljósi allan sólarhringinn,“ segir Bonneau sem er ekki bara góður í körfubolta heldur hefur útgeislun hans á velli gert hann að einum vinsælasta leikmanni deildarinnar undanfarin ár. „Ég elska að spila leikinn. Ég brosi bara því ég elska að spila körfubolta. Það var líka svo gaman hérna fyrsta tímabilið. Mirko [Stefán Virijevic] var herbergisfélagi minn og svo voru svo flottir strákar þarna eins og Magic, Ólafur Helgi og Hjörtur Hrafn. Maðurinn sem ég mun sakna mest er samt Logi Gunnarsson. Það er kóngurinn í Njarðvík og minn maður að eilífu. Logi Gunnarsson er langbesti samherji sem ég hef haft á ferlinum,“ segir Bonneau.Gæti komið aftur Bonneau var varla búinn að ná áttum eftir að samningurinn var ekki endurnýjaður þegar danska liðið Svendborg Rabbits með aðstoðarlandsliðsþjálfarann Arnar Guðjónsson í brúnni brást við skjótt. Bandaríski bakvörðurinn segist hafa gaman að því að prófa nýja deild. Hann útilokar ekki að koma aftur til Íslands og eiginlega langt frá því. „Auðvitað mun ég skoða tilboð frá Íslandi ef eitthvað berst. Ég mun aldrei hafna neinu blindandi frá Íslandi án þess að skoða það. Ísland er góður staður og þangað væri ég mikið til í að koma aftur. Deildin er skemmtileg og landið gott. Ég veit ekki hvað gerist. Við sjáum til hvað gerist í sumar eða jafnvel bara í janúar,“ segir Stefan Bonneau.
Dominos-deild karla Mest lesið „Horft illum augum á þannig taktík í hlaupaheiminum“ Sport Yfirgaf æfingaferð Marseille í áfalli Fótbolti Eins og kleina þegar hún upplifði martröð spyrilsins Fótbolti Tilfinningaþrungin stund þegar Magnús Máni kom í mark Sport Onana með í dag en Man. Utd að landa markverði Enski boltinn Pólverjar bæta við sig Kana fyrir EM Körfubolti Kom inn á fyrir Dag, skoraði og kýldi mótherja Fótbolti Sjáðu markaveislu Arsenal og fullkomna byrjun Tottenham Fótbolti Arnar og Bjarki unnu golfmót Golf Vann hálft maraþon, fæddi barn og varð svo meistari í heilu maraþoni Sport Fleiri fréttir Pólverjar bæta við sig Kana fyrir EM Tap í síðasta leik fyrir EM „Lukkudýrið“ í mál við félagið ÍR-ingar sækja Grikkja á Álftanesið: „Sannkallaðar gleðifréttir“ Brotnaði saman þegar hann bar liðsfélögum tíðindin Faðir Boston Celtics stjörnu handtekinn fyrir morðtilraun Yngri Agravanis-bróðirinn í Stjörnuna Beittu sér fyrir keppnisbanni Ísraela: „Ekki fengið nógu marga með okkur í lið“ Yfirlýsing KKÍ: Hætta ekki við leikinn við Ísrael Almar var kominn alla leið til Bandaríkjanna Haukur Helgi meiddur og Almar kallaður inn í hópinn Nánast allar treyjur uppseldar fyrir EM Erfitt að horfa á félagana detta út Craig Pedersen um erfitt val á EM-hóp: „Frábært vandamál að glíma við“ Forseti Íslands hvatti landsliðið til dáða Giannis loksins mættur en Grikkirnir neita að útskýra fjarveruna Svona er hópur Íslands sem fer á EM Keflavík semur við Breta: „Þekktur fyrir öfluga nærveru í teignum“ Manchester heimsækir Síkið og Tindastóll fer til fjögurra landa Mögulegt áfall fyrir Slóvena í aðdraganda EM Tryggvi lét mest til sín taka í tapi gegn Portúgal Khalil Shabazz til Grindavíkur Fyrsti sigur á Svíum í 33 ár og feðgar í aðalhlutverki í báðum Eiginkonan líkir þjálfara Slóvena við Gosa Keflavík fær bandarískan framherja Misstu Martin út en sneru leiknum og unnu Svía Jaka skilinn eftir og þrettán leikmenn berjast um hin tólf sætin Með fyrsta þrjátíu tuttugu leikinn í sögu WNBA Ótryggður Giannis tekur ekki þátt í undirbúningi Grikklands Þjóðverjar unnu Doncic lausa Slóvena Sjá meira