Fyrsti leikur án Helenu í tólf ár Óskar Ófeigur Jónsson skrifar 18. nóvember 2016 06:00 Helena Sverrisdóttir hefur verið frábær með íslenska landsliðinu undanfarin ár og það verður fróðlegt að sjá hvernig liðið spjarar sig án hennar. Fréttablaðið/Ernir 31. júlí 2004 var sögulegur fyrir íslenska kvennalandsliðið því þá lék Anna María Sveinsdóttir síðasta landsleikinn sinn. Það er samt ekki það eina sem gerir þennan leik í fjallaríkinu Andorra sögulegan. Þetta var einnig síðasti keppnisleikur íslenska landsliðsins án Helenu Sverrisdóttur eða þar til í Slóvakíu á morgun. Íslenska kvennalandsliðið er komið til Piestany í Slóvakíu þar sem liðið spilar næstsíðasta leik sinn í undankeppni EM 2017 á morgun laugardag. Lokaleikur liðsins er síðan á móti Portúgal í Laugardalshöllinni í næstu viku. Landsliðsþjálfarinn Ívar Ásgrímsson fer ekkert í felur með hversu mikið munar um Helenu Sverrisdóttur sem var með 19,5 stig, 10,0 fráköst og 6,8 stoðsendingar í leik í fyrstu fjórum leikjunum.Hefur haldið uppi sókninni „Við vitum það að við erum að missa gríðarlega góðan sóknarmann í Helenu. Hún hefur verið að halda uppi okkar sóknarleik, ekki bara með því að skora mikið heldur einnig með því að búa mikið til,“ segir Ívar. „Það breytist mjög mikið hjá okkur. Við erum ekki með eins mikið af einstaklingsframtaki núna. Við þurfum að byggja mjög upp á liðsbolta þar sem stelpurnar eru að fría hver aðra og vinna saman. Stelpurnar þurfa að hreyfa sig miklu meira en þegar við vorum með Helenu,“ segir Ívar. Helena Sverrisdóttir er nú í barnsburðarleyfi og því ekki með íslenska liðinu. Hún spilaði alla keppnisleiki Íslands frá því að hún var sextán ára gömul á Norðurlandamótinu 2004 þar til að hún, nú á 28 aldursári, leiddi íslenska liðið til sigurs á móti Ungverjalandi í febrúar síðastliðnum.Ekki byrjaðar í skóla Tvær Keflavíkurstelpur spila fyrsta landsleikinn sinn á morgun en þær eru bara átján ára gamlar. Thelma Dís Ágústsdóttir og Emelía Ósk Gunnarsdóttir voru ekki byrjaðar í skóla þennan sumardag þegar Ísland mætti Lúxemborg á Promotion Cup í Andorra. Anna María Sveinsdóttir var stigahæst í kveðjuleiknum en hún fékk aldrei tækifæri til að spila við hlið Helenu í landsliðinu. Helena kom inn fyrir Önnu Maríu á Norðurlandamótinu í Arvika í Svíþjóð tæpum tveimur vikum síðar. Frá 1. ágúst 2004 hefur Helena verið með í öllum 48 mótsleikjum íslenska landsliðsins. Enginn leikmanna íslenska liðsins á morgun hefur spilað keppnisleik án þess að hafa Helenu sér við hlið. Lykilleikmaður eins og Pálína Gunnlaugsdóttir hefur aldrei spilað landsleik án þess að Helena sé í byrjunarliðinu.Nýliðar landsliðsins, Keflvíkingarnir Thelma Dís Ágústsdóttir og Emelía Ósk Gunnarsdóttir, eru báðar fæddar árið 1998. Þær voru því sex ára gamlar þegar Ísland lék síðast án Helenu Sverrisdóttur í keppnisleik. Fréttablaðið/VilhelmLeiðinlegt að missa Helenu „Það er mjög leiðinlegt að missa Helenu og hún er frábær leikmaður. Hún hefur verið stór partur af okkar sóknarleik en engu að síður þá opnast núna fleiri tækifæri. Við hinar verðum að grípa þau tækifæri,“ sagði Pálína sem leyfði sér aðeins að skjóta á samherja sinn til margra ára. „Ef ég á að vera alveg hreinskilin þá fagna ég alveg pínu að fá fleiri skot en ég vona bara að hausinn verði rétt stillur og að ég setji þau niður. Ég held að þetta verði bara spennandi,“ segir Pálína. Hvort Pálína og félagar fái núna fleiri skot eins og hún grínaðist með á eftir að koma í ljós. Helena var vissulega mikið með boltann en hún dró líka mikið í sig. Hinar stelpurnar fengu því oft mikið pláss til að athafna sig. Nú þurfa aðrar að búa til vinnusvæðið fyrir bæði sig og aðra leikmenn. Helena spilaði nefnilega ekki aðeins alla þessa leiki heldur var hún í lykilhlutverki í liðinu.Stigahæst í 38 af 48 leikjum Helena skoraði alls 875 stig í þessum 48 keppnisleikjum sem gera 18,2 stig í leik og 26 prósent allra stiga íslenska liðsins. Það má heldur ekki líta fram hjá öllum stoðsendingum hennar á liðsfélagana í þessum leikjum. Hún er með 233 stoðsendingar í leikjunum eða 4,9 að meðaltali í leik. Helena hefur verið stighæst í 38 af 48 leikjum á þessum tólf árum sem er önnur mögnuð staðreynd alveg eins og að það þurfi að fara aftur um sjö ár til að finna leik í keppni þar sem Helena Sverrisdóttir var ekki stigahæst í íslenska liðinu (26. ágúst 2009, Birna Valgarðsdóttir á móti Írlandi). Það var alltaf vitað að það kæmi að þeim tímapunkti að Helena Sverrisdóttir væri ekki staðar fyrir landsliðið. Vonandi nýta stelpurnar sem núna eru í liðinu tækifærið til að vaxa og verða enn betri þegar Helena snýr aftur eftir barnsburðarleyfið. Maður kemur að sjálfsögðu í manns stað og þrátt fyrir að Helena hafi fengið mikla athygli og mikið lof fyrir framgöngu sína síðustu ár þá verður mikilvægi hennar ekki aðeins mælt í góðri tölfræði. Nú geta mótherjarnir einbeitt sér að því að stöðva aðra leikmenn íslenska liðsins og það er alvöru próf fyrir þær sem eftir standa. Körfubolti Mest lesið Eitt vandræðalegasta kvöldið í sögu Manchester United Enski boltinn Uppgjörið: Breiðablik - Athlone Town 3-1 | Tvö mörk á tveimur mínútum og Blikar unnu Fótbolti Isak gæti spilað fyrsta leikinn sinn á tímabilinu Enski boltinn Gætt af Interpol og sagt að fela fána fyrir leikinn við Ísland Körfubolti Svona var EM-Pallborðið Körfubolti Ástin sögð ástæða þess að Sancho vilji ekki Roma Fótbolti EM í dag: Ætli Katowice sé enn versta borg í heimi og leðurjakki í hitabylgju Körfubolti Tveir nýliðar í landsliðshópnum Fótbolti Arnar kynnti fyrsta hópinn í undankeppni HM Fótbolti Segir Daníel ekki líkan pabba sem leikmanni en hafi Guðjohnsen-svægið Fótbolti Fleiri fréttir Æfðu miðjuskotin: Síðasta æfing strákanna fyrir stóru stundina í myndum Söknuður af æskufélaganum: „Áttum að vera gömlu karlarnir“ Finnar byrjuðu EM á naumum sigri í Norðurlandaslag „Margir tittir í þessum hópi og máttum ekki við því að missa stóran mann“ Setji skugga á fyrsta leik að hann sé við Ísrael EM í dag: Ætli Katowice sé enn versta borg í heimi og leðurjakki í hitabylgju Svona var EM-Pallborðið Myndir: Áfallalaus æfing fyrir utan að Hilmar fékk bolta í punginn Strákarnir ekki fengið neinar hótanir Gætt af Interpol og sagt að fela fána fyrir leikinn við Ísland Tryggvi setti „að moka skít“ í annað sætið Nýliðarnir sömdu við danska stelpu með Íslandstengingu Pólverjar bæta við sig Kana fyrir EM Tap í síðasta leik fyrir EM „Lukkudýrið“ í mál við félagið ÍR-ingar sækja Grikkja á Álftanesið: „Sannkallaðar gleðifréttir“ Brotnaði saman þegar hann bar liðsfélögum tíðindin Faðir Boston Celtics stjörnu handtekinn fyrir morðtilraun Yngri Agravanis-bróðirinn í Stjörnuna Beittu sér fyrir keppnisbanni Ísraela: „Ekki fengið nógu marga með okkur í lið“ Yfirlýsing KKÍ: Hætta ekki við leikinn við Ísrael Almar var kominn alla leið til Bandaríkjanna Haukur Helgi meiddur og Almar kallaður inn í hópinn Nánast allar treyjur uppseldar fyrir EM Erfitt að horfa á félagana detta út Craig Pedersen um erfitt val á EM-hóp: „Frábært vandamál að glíma við“ Forseti Íslands hvatti landsliðið til dáða Giannis loksins mættur en Grikkirnir neita að útskýra fjarveruna Svona er hópur Íslands sem fer á EM Keflavík semur við Breta: „Þekktur fyrir öfluga nærveru í teignum“ Sjá meira
31. júlí 2004 var sögulegur fyrir íslenska kvennalandsliðið því þá lék Anna María Sveinsdóttir síðasta landsleikinn sinn. Það er samt ekki það eina sem gerir þennan leik í fjallaríkinu Andorra sögulegan. Þetta var einnig síðasti keppnisleikur íslenska landsliðsins án Helenu Sverrisdóttur eða þar til í Slóvakíu á morgun. Íslenska kvennalandsliðið er komið til Piestany í Slóvakíu þar sem liðið spilar næstsíðasta leik sinn í undankeppni EM 2017 á morgun laugardag. Lokaleikur liðsins er síðan á móti Portúgal í Laugardalshöllinni í næstu viku. Landsliðsþjálfarinn Ívar Ásgrímsson fer ekkert í felur með hversu mikið munar um Helenu Sverrisdóttur sem var með 19,5 stig, 10,0 fráköst og 6,8 stoðsendingar í leik í fyrstu fjórum leikjunum.Hefur haldið uppi sókninni „Við vitum það að við erum að missa gríðarlega góðan sóknarmann í Helenu. Hún hefur verið að halda uppi okkar sóknarleik, ekki bara með því að skora mikið heldur einnig með því að búa mikið til,“ segir Ívar. „Það breytist mjög mikið hjá okkur. Við erum ekki með eins mikið af einstaklingsframtaki núna. Við þurfum að byggja mjög upp á liðsbolta þar sem stelpurnar eru að fría hver aðra og vinna saman. Stelpurnar þurfa að hreyfa sig miklu meira en þegar við vorum með Helenu,“ segir Ívar. Helena Sverrisdóttir er nú í barnsburðarleyfi og því ekki með íslenska liðinu. Hún spilaði alla keppnisleiki Íslands frá því að hún var sextán ára gömul á Norðurlandamótinu 2004 þar til að hún, nú á 28 aldursári, leiddi íslenska liðið til sigurs á móti Ungverjalandi í febrúar síðastliðnum.Ekki byrjaðar í skóla Tvær Keflavíkurstelpur spila fyrsta landsleikinn sinn á morgun en þær eru bara átján ára gamlar. Thelma Dís Ágústsdóttir og Emelía Ósk Gunnarsdóttir voru ekki byrjaðar í skóla þennan sumardag þegar Ísland mætti Lúxemborg á Promotion Cup í Andorra. Anna María Sveinsdóttir var stigahæst í kveðjuleiknum en hún fékk aldrei tækifæri til að spila við hlið Helenu í landsliðinu. Helena kom inn fyrir Önnu Maríu á Norðurlandamótinu í Arvika í Svíþjóð tæpum tveimur vikum síðar. Frá 1. ágúst 2004 hefur Helena verið með í öllum 48 mótsleikjum íslenska landsliðsins. Enginn leikmanna íslenska liðsins á morgun hefur spilað keppnisleik án þess að hafa Helenu sér við hlið. Lykilleikmaður eins og Pálína Gunnlaugsdóttir hefur aldrei spilað landsleik án þess að Helena sé í byrjunarliðinu.Nýliðar landsliðsins, Keflvíkingarnir Thelma Dís Ágústsdóttir og Emelía Ósk Gunnarsdóttir, eru báðar fæddar árið 1998. Þær voru því sex ára gamlar þegar Ísland lék síðast án Helenu Sverrisdóttur í keppnisleik. Fréttablaðið/VilhelmLeiðinlegt að missa Helenu „Það er mjög leiðinlegt að missa Helenu og hún er frábær leikmaður. Hún hefur verið stór partur af okkar sóknarleik en engu að síður þá opnast núna fleiri tækifæri. Við hinar verðum að grípa þau tækifæri,“ sagði Pálína sem leyfði sér aðeins að skjóta á samherja sinn til margra ára. „Ef ég á að vera alveg hreinskilin þá fagna ég alveg pínu að fá fleiri skot en ég vona bara að hausinn verði rétt stillur og að ég setji þau niður. Ég held að þetta verði bara spennandi,“ segir Pálína. Hvort Pálína og félagar fái núna fleiri skot eins og hún grínaðist með á eftir að koma í ljós. Helena var vissulega mikið með boltann en hún dró líka mikið í sig. Hinar stelpurnar fengu því oft mikið pláss til að athafna sig. Nú þurfa aðrar að búa til vinnusvæðið fyrir bæði sig og aðra leikmenn. Helena spilaði nefnilega ekki aðeins alla þessa leiki heldur var hún í lykilhlutverki í liðinu.Stigahæst í 38 af 48 leikjum Helena skoraði alls 875 stig í þessum 48 keppnisleikjum sem gera 18,2 stig í leik og 26 prósent allra stiga íslenska liðsins. Það má heldur ekki líta fram hjá öllum stoðsendingum hennar á liðsfélagana í þessum leikjum. Hún er með 233 stoðsendingar í leikjunum eða 4,9 að meðaltali í leik. Helena hefur verið stighæst í 38 af 48 leikjum á þessum tólf árum sem er önnur mögnuð staðreynd alveg eins og að það þurfi að fara aftur um sjö ár til að finna leik í keppni þar sem Helena Sverrisdóttir var ekki stigahæst í íslenska liðinu (26. ágúst 2009, Birna Valgarðsdóttir á móti Írlandi). Það var alltaf vitað að það kæmi að þeim tímapunkti að Helena Sverrisdóttir væri ekki staðar fyrir landsliðið. Vonandi nýta stelpurnar sem núna eru í liðinu tækifærið til að vaxa og verða enn betri þegar Helena snýr aftur eftir barnsburðarleyfið. Maður kemur að sjálfsögðu í manns stað og þrátt fyrir að Helena hafi fengið mikla athygli og mikið lof fyrir framgöngu sína síðustu ár þá verður mikilvægi hennar ekki aðeins mælt í góðri tölfræði. Nú geta mótherjarnir einbeitt sér að því að stöðva aðra leikmenn íslenska liðsins og það er alvöru próf fyrir þær sem eftir standa.
Körfubolti Mest lesið Eitt vandræðalegasta kvöldið í sögu Manchester United Enski boltinn Uppgjörið: Breiðablik - Athlone Town 3-1 | Tvö mörk á tveimur mínútum og Blikar unnu Fótbolti Isak gæti spilað fyrsta leikinn sinn á tímabilinu Enski boltinn Gætt af Interpol og sagt að fela fána fyrir leikinn við Ísland Körfubolti Svona var EM-Pallborðið Körfubolti Ástin sögð ástæða þess að Sancho vilji ekki Roma Fótbolti EM í dag: Ætli Katowice sé enn versta borg í heimi og leðurjakki í hitabylgju Körfubolti Tveir nýliðar í landsliðshópnum Fótbolti Arnar kynnti fyrsta hópinn í undankeppni HM Fótbolti Segir Daníel ekki líkan pabba sem leikmanni en hafi Guðjohnsen-svægið Fótbolti Fleiri fréttir Æfðu miðjuskotin: Síðasta æfing strákanna fyrir stóru stundina í myndum Söknuður af æskufélaganum: „Áttum að vera gömlu karlarnir“ Finnar byrjuðu EM á naumum sigri í Norðurlandaslag „Margir tittir í þessum hópi og máttum ekki við því að missa stóran mann“ Setji skugga á fyrsta leik að hann sé við Ísrael EM í dag: Ætli Katowice sé enn versta borg í heimi og leðurjakki í hitabylgju Svona var EM-Pallborðið Myndir: Áfallalaus æfing fyrir utan að Hilmar fékk bolta í punginn Strákarnir ekki fengið neinar hótanir Gætt af Interpol og sagt að fela fána fyrir leikinn við Ísland Tryggvi setti „að moka skít“ í annað sætið Nýliðarnir sömdu við danska stelpu með Íslandstengingu Pólverjar bæta við sig Kana fyrir EM Tap í síðasta leik fyrir EM „Lukkudýrið“ í mál við félagið ÍR-ingar sækja Grikkja á Álftanesið: „Sannkallaðar gleðifréttir“ Brotnaði saman þegar hann bar liðsfélögum tíðindin Faðir Boston Celtics stjörnu handtekinn fyrir morðtilraun Yngri Agravanis-bróðirinn í Stjörnuna Beittu sér fyrir keppnisbanni Ísraela: „Ekki fengið nógu marga með okkur í lið“ Yfirlýsing KKÍ: Hætta ekki við leikinn við Ísrael Almar var kominn alla leið til Bandaríkjanna Haukur Helgi meiddur og Almar kallaður inn í hópinn Nánast allar treyjur uppseldar fyrir EM Erfitt að horfa á félagana detta út Craig Pedersen um erfitt val á EM-hóp: „Frábært vandamál að glíma við“ Forseti Íslands hvatti landsliðið til dáða Giannis loksins mættur en Grikkirnir neita að útskýra fjarveruna Svona er hópur Íslands sem fer á EM Keflavík semur við Breta: „Þekktur fyrir öfluga nærveru í teignum“ Sjá meira