Heidi Klum klónaði sig fyrir hrekkjavökuna

Það fer ekkert á milli mála að Heidi Klum er drottning hrekkjavökunnar. Ár eftir ár slær hún í gegn með mögnuðum búningum sem mikill metnaður hefur verið lagður í. Þetta árið sló hún hinsvegar öll met.

Í ár má segja að hún hafi klónað sig. Hún mætti á rauða dregilinn fyrir veisluna sína ásamt fimm öðrum eftirlíkingum af sjálfri sér. Stúlkurnar voru allar eins klæddar og vaxnar, með alveg eins hár og átt hafði verið við andlit sumra stelpnanna. 

Það verður erfitt að toppa þennan búning á næsta ári en við bíðum spenntar eftir því hvernig hún mun fara að því.