Evrópumeistarar Þýskalands fara vel af stað í undankeppni EM 2018 í handbolta.
Strákarnir hans Dags Sigurðssonar tóku á móti Portúgölum í kvöld og unnu öruggan sigur, 35-24.
Þýskaland er því komið með tvö stig í riðli 5, líkt og Slóvenía sem vann fimm marka sigur, 32-27, á Sviss fyrr í kvöld.
Þjóðverjar voru alltaf í bílstjórasætinu í leiknum í kvöld. Sex mörkum munaði á liðunum í hálfleik, 16-10, og í seinni hálfleik dró enn í sundur með þeim. Evrópumeistararnir sýndu gestunum enga miskunn og unnu á endanum 11 marka sigur, 35-24.
Matthias Musche var markahæstur í þýska liðinu með sex mörk. Uwe Gensheimer, Kai Häfner og Simon Ernst komu næstir með fimm mörk. Daymaro Amador Salina skoraði fimm mörk fyrir Portúgal.
Næsti leikur Þjóðverja er gegn Svisslendingum á laugardaginn.
Evrópmeistararnir sýndu enga miskunn
Ingvi Þór Sæmundsson skrifar

Mest lesið




Úlfarnir steinlágu gegn City
Enski boltinn

Richarlison sýndi nýliðunum enga miskun
Enski boltinn

Markalaust á Villa Park
Enski boltinn


„Ég hélt að við værum komin lengra“
Enski boltinn

Amorim brattur: „Ég er bjartsýnni“
Enski boltinn
