Seinustu ár hefur verið í tísku að klippa á sér hárið stutt. Nú eru hinsvegar stjörnurnar farnar að skarta ansi síðu hári sem segir manni það að nú sé kominn tími til að fara að safna hári á nýjan leik. 

Það er þó mikilvægt að taka fram að flestar þessara stjarna eru með einhverskonar hárlengingar enda er ekki auðvelt að safna svo síðu hári, hvað þá á skömmum tíma. 

Þegar maður ætlar sér að safna hári er mikilvægt að halda endunum heilbrigðum með því að fara í klippingu á þriggja mánaða fresti, rétt svo til að særa af endunum. Góðar hárolíur og hitavarar geta líka verið nauðsynlegar fyrir þurrt hár.