Viðskipti innlent

Epli lækkar verð vegna gengislækkana

Sæunn Gísladóttir skrifar
Epli hefur lækkað verð á Apple iPad um allt að 14 prósent vegna styrkingar íslensku krónunnar.
Epli hefur lækkað verð á Apple iPad um allt að 14 prósent vegna styrkingar íslensku krónunnar. Mynd/Epli
Epli hefur lækkað verð á Apple iPad um allt að 14 prósent vegna styrkingar íslensku krónunnar.

,,Við höfum ákveðið að lækka verð á flestum gerðum af iPad vegna gengislækkana. Um er að ræða flestar gerðir af iPad mini, iPad Air og iPad Pro. Jafnframt hefur geymslupláss á minnstu gerðum iPad tvöfaldast úr 16GB í 32GB. Það er talsverð bylting og gefur þeim gerðum helmingi meira geymslupláss. Nýlega lækkuðum við einnig verð á Apple tölvum vegna gengislækkana þegar nýjar sendingar af þeim komu. Við teljum að þessar veðlækkanir muni skila sér til neytenda og út í samfélagið," segir Ásgeir Guðbjartsson, markaðssstjóri hjá Epli.

Ásgeir segir gríðarlega eftirspurn hafa verið eftir nýja iPhone 7 símanum. ,,Fyrstu sendingar af iPhone 7 símanum seldust upp en við eigum núna til nokkrar gerðir í verslunum okkar á Laugavegi og í Smáralind. Eftirspurnin hefur verið meiri en okkur óraði fyrir. Við erum að gera okkar besta til að anna eftirspurn."



Mest lesið


Fleiri fréttir

Sjá meira


×

Mest lesið