Innanlandsflug liggur niðri

Allar ferðir Flugfélags Íslands innanlands eru nú á bið vegna veðurs og þá hefur flugfélagið Ernir aflýst öllum ferðum sínum í dag. Flugfélag Íslands mun athuga um miðjan dag hvort að hægt verði að setja ferðir sína til og frá Reykjavík aftur á áætlun.

Veðurstofa Íslands hefur varað við suðaustan og sunna stormi eða roki á vestanverðu landinu og hálendinu í dag. Sérstaklega er búist verið hvössum vindstrengjum víða við fjöll, einkum á norðanverðu Snæfellsnesi.

Þetta veður er til komið vegna djúprar lægðar suðvestur af landinu sem stjórnar veðrinu yfir Íslandi í dag. Veðrið mun ná hámarki í kvöld og mun draga smám saman úr vindi á morgun.