Innlent

Engan snjó að sjá í spám Veðurstofu Íslands

Birgir Olgeirsson skrifar
Vetraþyrstir þurfa að bíða eftir fyrsta snjónum þrátt fyrir að fyrsti dagur vetrar sé næstkomandi laugardag, 22. október.
Vetraþyrstir þurfa að bíða eftir fyrsta snjónum þrátt fyrir að fyrsti dagur vetrar sé næstkomandi laugardag, 22. október. vísir/auðunn

Spáð er áframhaldandi hlýindum út vikuna og einnig í upphafi næstu viku. Spá Veðurstofu Íslands gerir ráð fyrir mildu veðri með hita upp á 7 - 13 stig og því þurfa vetraþyrstir að bíða eftir fyrsta snjónum þrátt fyrir að fyrsti dagur vetrar sé næstkomandi laugardag, 22. október.

Veðurhorfur næsta sólarhringinn:
Suðaustan 15-25 m/s á sunnan- og vestanverðu landinu og víða snarpar vindvhiður við fjöll en 20-28 m/s á Snæfellsnesi. Víða rigning, talsverð suðaustantil, en mun hægari vindur og þurrt norðan- og austanlands. Hvessir norðan- og norðaustantil í kvöld, sunnan 20-28 þar í nótt en sunnan 15-20 á Austurlandi. Dregur úr vindi vestantil í nótt en austantil í fyrramálið. Áfram rigning með köflum eða skúrir á morgun en skýjað með köflum norðaustan- og austanlands. Hiti 6 til 13 stig, hlýjast á Norðurlandi.

Veðurhorfur á landinu næstu daga

Á föstudag:
Suðaustan 8-15 og skúrir eða rigning en 5-13 og bjartviðri um landið norðan og austanvert. Hiti 7 til 13 stig, hlýjast á N-landi.

Á laugardag, sunnudag og mánudag:
Suðaustan 5-13 og rigning, talsvert sunnantil en skýjað með köflum eða bjartviðri norðan jökla. Hiti breytist lítið.

Á þriðjudag:
Austanátt og rigning suðaustanlands en skúrir um vestanvert landið. Úrkomulítið í öðrum landshlutum. Áfram milt í veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.