Centerhotels kaupa í Aðalstræti

Skrifað hefur verið undir kaupsamning við Miðbæjarhótel/Centerhotels ehf. um kaup hins síðarnefnda á öllum eignarhlutum félagsins í Aðalstræti 6 og 8 í Reykjavík. 

Fram kemur í tilkynningu frá Reitum að afhending hins selda miðast við 1. október 2016. Kaupandi hefur leigt af félaginu hluta hins selda undir rekstur Centerhotel Plaza, en salan er gerð á grundvelli kaupréttarákvæðis í leigusamningi.

Söluverð fasteignanna er um 2.465 milljónir kr. og greiðist með reiðufé. Til viðbótar mun fara fram uppgjör á framkvæmdakostnaði sem nemur um 200 milljónum kr. í bókum Reita. Eftir söluna og framangreint uppgjör mun áætlaður rekstrarhagnaður Reita lækka um 175 milljónir kr. á ársgrundvelli.