Gunnlaugur Hjörtur ráðinn framkvæmdastjóri Heilbrigðissviðs Icepharma

Icepharma hefur ráðið Gunnlaug Hjört Gunnlaugsson sem framkvæmdastjóra Heilbrigðissviðs Icepharma frá 1. október næstkomandi. Hjörtur hefur starfað hjá Icepharma undanfarin sex ár, fyrst sem sérfræðingur í lækningatækjum. Árið 2013 varð hann deildarstjóri tækja- og þjónustudeildar og árið 2015 tók hann við sem deildarstjóri skurðvörudeildar.

Hjörtur er 41 árs gamall og með B.Sc. próf í rafmagnstæknifræði og M.Sc. próf í heilbrigðisverkfræði frá Háskólanum í Árósum.

Í tilkynningu frá Icepharma segir að Heilbrigðissvið Icepharma starfi með fjölda birgja um heim allan og sé leiðandi í ráðgjöf, sölu og þjónustu á tækjum og rekstrarvöru á íslenskum heilbrigðismarkaði. Helstu viðskiptavinir sviðsins eru sjúkrahús, heilsugæslur, læknastofur og hjúkrunarheimili um land allt.