Gætu fengið hundruð milljóna í bónus

Kolbeinn Tumi Daðason skrifar 30. ágúst 2016 10:12

Kolbeinn Árnason gæti átt von á vænum bónusgreiðslum. Hann hefur þegar 23 milljónir króna í árslaun fyrir stjórnarsetu í LBI. Launin miðast við 40 unna daga á ári.

Fjórir stjórnendur gamla Landsbankans (LBI) gætu hver fyrir sig fengið hundruð milljóna króna í bónusgreiðslur fyrir störf sín. Markmið bónuskerfisins er að búa til hvata fyrir umrædda stjórnendur til að hámarka virði óseldra eigna félagsins. Þetta kemur fram í DV í dag.

Stjórnendurrnir sem eiga möguleika á bónusgreiðslur af stærðargráðunni hundruð milljóna króna fyrir störf sín eru Kolbeinn Árnason, fyrrverandi framkvæmdastjóri Samtaka fyrirtækja í sjávarútvegi og núverandi stjórnarmaður í LBI, og Ársæll Hafsteinsson, framkvæmdastjóri FBI. Til viðbótar eru stjórnarformaðurinn Richard Katz og Christian Anders Digemose, danskur ráðgjafi LBI.

Um er að ræða hærri bónusgreiðslur en um tuttugu starfsmenn Kaupþings gætu fengið verði tillaga um tæplega 1500 milljóna króna bónusgreiðsla til þeirra samþykkt. Tillagan verður tekin fyrir á stjórnarfundi Kaupþings í dag.

Tengdar fréttir

BSRB telur bónusgreiðslur Kaupþings óásættanlegar

Í yfirlýsingu frá samtökunum er skorað á Alþingi að lagfæra þann ramma sem fjármálafyrirtækjum er settur til að umbuna starfsmönnum sínum.

28. ágúst 2016 09:39

Þingmenn fordæma bónusgreiðslur Kaupþings

Þingmenn lykilflokka Alþingis segja fyrirhugaðar bónusgreiðslur Kaupþings vera siðlausar og engan veginn í takt við kjör almennings. Vilja endurskoða skattalöggjöf.

26. ágúst 2016 14:43

Bónusgreiðslur Kaupþings jafnháar launum allra starfsmanna Barnaspítala Hringsins

Ásgeir Haraldsson yfirlæknir á Barnaspítala Hringsins og prófessor í barnalækningum gagnrýnir bónusgreiðslur til nokkurra lykilstarfsmanna eignarhaldsfélagsins Kaupþings en ýmsir stjórnmálamenn hafa í vikunni gagnrýnt greiðslurnar eftir að DV greindi frá þeim á þriðjudag.

26. ágúst 2016 19:12