Bein útsending: Kynna næstu skref í losun fjármagnshafta

Sigurður Ingi Jóhannesson forsætisráðherra, Bjarni Benediktsson fjármála- og efnahagsráðherra ásamt seðlabankastjóranum Má Guðmundssyni munu í dag kynna efni frumvarps um breytingar á lögum um gjaldeyrismál.

Fundurinn fer fram í fjármála- og efnahagsráðuneytinu, Arnarhvoli, og hefst bein útsending hér á Vísi um klukkan 17:30.

Afnám gjaldeyrishafta hefur verið lengi á stefnuskrá ríkisstjórnarinnar og er eitt þeirra stóru mála sem ríkisstjórnin vill ná í gegn áður en gengið er til kosninga. Annað frumvarp tengt afnámi gjaldeyrishafta var samþykkt á Alþingi þann 2. júní síðastliðinn. 

Útsendingu Vísis frá fundinum má sjá í spilaranum sem birtist hér að ofan en útsending hefst sem fyrr segir um klukkan 17:30.