Jakob Örn gaf ekki kost á sér í landsliðið

Jakob Örn Sigurðarson gaf ekki kost á sér í landsliðshóp Íslands fyrir undankeppni EM 2017 í körfubolta en fram undan eru sex leikir í keppninni í haust.

Jakob Örn var í æfingahópi landsliðsins í sumar en fram kemur í tilkynningu KKÍ að hann hafi ekki gefið kost á sér í lokahópinn. Sextán manna landsliðshópur fyrir undankeppni EM var tilkynntur í dag.

Pavel Ermolinskij er ekki í hópnum en hann hefur verið að glíma við meiðsla.

Allir sterkustu leikmenn Íslands gáfu kost á sér í verkefnið en Tryggvi Þór Hlinason, 216 cm miðherji Þórs á Akureyri, komst í lokahópinn.

Tryggvi var lykilmaður með U20 liði Íslands sem hafnaði í öðru sæti í B-deild EM í sumar, sem og þeir Kári Jónsson og Jón Axel Guðmundsson. Báðir voru valdir í úrvalslið mótsins en hvorugur komst í lokahóp A-landsliðsins að þessu sinni.

Hópurinn er þannig skipaður:

Axel Kárason, Svendborg Rabbits, Danmörk

Brynjar Þór Björnsson, KR

Darri Hilmarsson, KR

Elvar Már Friðriksson, Barry University / Njarðvík

Haukur Helgi Pálsson, Rouen Metropole Basket, Frakkland

Hlynur Bæringsson, Sundsvall Dragons, Svíþjóð

Hörður Axel Vilhjálmsson, Rythmos BC, Grikkland

Jón Arnór Stefánsson, Valencia, Spánn

Kristófer Acox, Furman University / KR

Logi Gunnarsson, Njarðvík

Martin Hermannsson, Étoile de Charleville-Mézéres, Frakkland

Ólafur Ólafsson, St. Clement, Frakkland

Ragnar Ágúst Nathanaelsson, Þór Þorlákshöfn

Sigurður Gunnar Þorsteinsson, Doxa Pefkon, Grikkland

Tryggvi Þór Hlinason, Þór Akureyri

Ægir Þór Steinarsson, San Pablo Inmobiliaria, Spánn