Karfan.is velur tíu bestu samninga sumarsins

Það hefur talsvert verið um athyglisverð félagsskipti í Domino´s deild karla í körfubolta í sumar og körfuboltasíðan skemmtilega karfan.is hefur nú lagt sitt mat á virkni félaganna tólf á markaðnum.

Matsmenn Karfan.is eru þó ekki búnir að útiloka það að fleiri stór félagsskipti detti inn á næstunni og nefna þar landsliðsmennina Jón Arnór Stefánsson og Hlynur Bæringsson.

Hvorugur þeirra er búinn að útiloka það að koma heim og spila í Domino´s deildinni á næstu leiktíð.

Á þessum tíu manna lista yfir bestu samningana er aðeins teknir með þeir leikmenn sem skipt hafa um lið.

Fólkið á karfan.is gerir heldur ekki greinarmun á þessum tíu samningum og birtir þá ekki í neinni sérstakri röð.

ÍR, Tindastóll og Þór Þorlákshöfn eiga öll tvo leikmenn á listanum en Þór Akureyri, KR, Njarðvík og Grindavík eru með einn leikmann hvert félag.

Það er hægt að nálgast frekari upplýsingar um tíu bestu samningana í grein á karfan.is en hér fyrir neðan má sjá upptalningu á þessum tíu vel heppnuðu samningum félaga í Domino´s deildinni.



Tíu bestu samningar sumarsins að mati karfan.is

Chris Caird

Frá: FSU

Til: Tindastóls

Darrel Keith Lewis

Frá: Tindastól

Til: Þórs Akureyri

Matthías Orri Sigurðarson

Frá: Columbus State (USA)

Til: ÍR

Sigurður Þorvaldsson

Frá: Snæfell

Til: KR

Ólafur Ólafsson

Frá: St. Clement (FRA)

Til: Grindavíkur

Stefán Karel Torfason

Frá: Snæfell

Til: ÍR

Björn Kristjánsson

Frá: KR

Til: Njarðvíkur

Ólafur Helgi Jónsson

Frá: Njarðvík

Til: Þórs í Þorlákshöfn

Maciej Baginski

Frá: Njarðvík

Til: Þórs í Þorlákshöfn

Björgvin Ríkharðsson

Frá: ÍR

Til: Tindastóls