Signý Arnórsdóttir úr GK leiðir á Borgunarmótinu í golfi þegar lokahringurinn er hálfnaður en hún hefur leikið frábært golf á köflum í dag.
Guðrún Brá var með tveggja högga forskot fyrir lokahringinn en hún var á pari á fyrri níu holum vallarins með einn fugl og einn skolla.
Hún fylgdi því eftir með skolla og tvöföldum skolla á 10. og 11. braut og var komin 10 höggum yfir parið þegar sjö holur voru eftir.
Á sama tíma hefur Signý krækt í fimm fugla, tvo skolla og einn tvöfaldan skolla og er á átta höggum yfir pari eftir ellefu holur þegar þetta er skrifað.
Í karlaflokki heldur Axel Bóasson forskotinu á heimavelli eftir níu holur en er í dag á þremur höggum undir pari eftir níu holur og alls átta höggum undir pari á mótinu.
Alfreð Brynjar Kristinsson og Gísli Sveinbergsson eru ekki langt undan en þeir eru tveimur höggum á eftir Axeli þegar lokahringurinn er hálfnaður.
Signý nær forskotinu í kvennaflokki | Axel heldur forskotinu
Tengdar fréttir
Gísli og Guðrún Brá með forystu eftir fyrsta hring
Gísli Sveinbergsson og Guðrún Brá Björgvinsdóttir leiða eftir fyrsta hringinn á Borgunarmótinu á Eimskipsmótaröðinni. Leikið er á Hvaleyrarvelli og er keppt um Hvaleyrarbikarinn í fyrsta sinn.
Guðrún Brá með tveggja högga forskot fyrir lokahringinn
Guðrún Brá Björgvinsdóttir, GK, leiðir fyrir lokahringinn á Borgunarmótinu á Eimskipsmótaröðinni en hún er með tveggja högga forskot á Signýju Arnórsdóttir úr GK.
Axel leiðir fyrir lokahringinn
Axel Bóasson leiðir með einu höggi fyrir lokahringinn á Borgunarmótinu á Eimskipsmótaröðinni en Gísli Sveinbergsson, Alfreð Brynjar Kristinsson og Ólafur Björn Loftsson eru ekki langt undan.
