Glamour

Draumkennd sýning Hildar Yeoman í kvöldsólinni

Ritstjórn skrifar
Myndir/Saga Sig
Fatahönnuðurinn Hildur Yeoman hélt sýninguna Transcendence í Lækningaminjasafninu í Reykjavík á föstudaginn og er óhætt að segja að áhorfendur urðu ekki fyrir vonbrigðum. 

Á sýningunni, sem var innsetning í tengslum við Listahátíð í Reykjavík þar sem telft var saman hönnun, ljósmyndun og myndlist, sýndi Hildur nýja fatalínu. Í tilkynningu um sýninguna segir að „Í Transcendence er farið inn á mörk drauma og svefns og haldið er í ferðalag um þá handanveru sem er manninum hvoru tveggja kunnugleg og framandi í senn.“

Mjög áhugaverð sýning frá Hildi sem var i hennar anda, fatnaðurinn bar keim af glamrokk með fallegum munstrum, kvenlegum sniðum og góðri blöndu af netaefni og skínandi silfri. Fötin eru svo væntanleg í sölu í haust - svo það er bara að byrja að láta sig dreyma. 

Myndirnar tók Saga Sig. 

 

 

 

 

Sýningunni lauk undir berum himni enda var veðrið í sparigírnum á föstudaginn.
Fjölmargir áhorfendur sem nutu sýningarinnar.
Hildur ásamt syni sínum í lok sýningarinnar.





Velkomin á Vísi. Þessi vefur notar vafrakökur. Sjá nánar.