Viðskipti innlent

Opnun Auroracoin kauphallar fyrsta skrefið

Jón Hákon Halldórsson skrifar
Þeir Pétur Árnason,  Hermann Ingi Finnbjörnsson og Hlynur Þór Björnsson mynda stjórn Auraráðs.
Þeir Pétur Árnason, Hermann Ingi Finnbjörnsson og Hlynur Þór Björnsson mynda stjórn Auraráðs. Fréttablaðið/Pjetur
„Það sem við erum að leggja upp með er að þetta verði stighækkandi, hægt og rólega. Við viljum engar sprengjur. Ef það kemur sprengja upp þá kemur hátt fall niður. Það er það sem við viljum forðast. Við viljum fá hægan stíganda upp,“ segir Hermann Ingi Finnbjörnsson. Hermann hefur ásamt hópi manna, sem kalla félagsskap sinn Auraráð, þróað ISX kauphöllina, sem er kauphöll með rafmyntina Auroracoin. Kauphöllin var opnuð síðastliðinn miðvikudag.

„Ef kaupmenn fara að taka við þessu fyrir pylsur og kaffibolla og verðið hækkar af því að það er raunveruleg eftirspurn, þá yrðum við ánægðir. Við myndum vilja að fólk gæti notað þetta til þess að kaupa sér kaffibolla og eitthvað smávægilegt í byrjun,“ segir Hlynur Björnsson sem einnig stendur að kauphöllinni.

Hermann segir að opnun kauphallarinnar hafi bara verið skref númer eitt af nokkrum. Næsta skref sé að gefa út tól og tæki fyrir kaupmenn til þess að taka á móti aur. „Annaðhvort til þess að taka á móti honum og halda honum eða taka á móti honum og skipta honum beint yfir í krónur,“ segir Hermann.

Hlynur bætir við að þetta tól yrði fest við Kauphöllina og ítrekar að það verði auðvelt að skipta úr aur yfir í krónur. „Ef kaupmaðurinn vill krónur strax þá getur hann innan dags verið búinn að taka við aur og selja í kauphöllinni og fá greiddar út krónur,“ segir Hlynur. 

Hermann segir að þegar farið verði hægt og rólega að kynna þau tæki og tól sem eru til staðar á markaðnum þá muni fólk sjá að kerfið er nýtanlegt. „Hvort fólk tekur þetta upp, það er svo aftur annað mál. En við ætlum að standa fyrir fræðslu og kynningum á þessu kerfi,“ segir Hermann Ingi og ítrekar að þetta sé kerfi en ekki peningar. Og væntingarnar séu ekki síst þær að hjálpa fólki að átta sig á því hvernig núverandi peningakerfi virkar. „Það er alveg ruglað.“






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,12
25
452.643
SJOVA
2,27
25
193.534
ARION
2,16
46
1.361.687
MAREL
2,04
39
582.450
SIMINN
1,85
14
350.533

Mesta lækkun dagsins


Félag
Br.%
Fjöldi
Velta*
SKEL
-2,34
2
3.406
ICESEA
-1,18
7
13.751
BRIM
0
6
15.074
ORIGO
0
4
13.235
EIM
0
9
215.249
Velkomin á Vísi. Þessi vefur notar vafrakökur. Sjá nánar.