Taka ákvörðun um kæru í Exeter-málinu á föstudag

Minjastofnun Íslands hefur borist svar frá Mannverk ehf. við erindi sínu varðandi niðurrif Exeter-hússins svokallaða við Tryggvagötu 12. Húsið, sem var friðað, var rifið í leyfisleysi en Minjastofnun ætlar að taka ákvörðun um það á föstudaginn hvort stofnunin kæri Mannverk til lögreglu.

„Svarið frá þeim kom á mánudaginn eins og það átti að gera og við erum bara að skoða málið núna,“ segir Kristín Huld Sigurðardóttir, forstöðumaður Minjastofnunar.

Mannverk sendi frá sér tilkynningu til fjölmiðla í síðustu viku þar sem segir að starfsmenn fyrirtækisins hafi talið sig vera innan heimilda við framkvæmdina og að þeir hafi verið í góðri trú um að niðurrifið þess hafi bæði verið væri heimilt og nauðsynlegt við endurbyggingu Exeter-hússins. Hefur fyrirtækið heitið því að endurbyggja húsið.

Borgaryfirvöld hafa kært niðurrifið til lögreglu og svo gæti farið að Minjastofnun geri það líka. Stofnunin fór fram á frekari útskýringar frá Mannverk vegna málsins í síðustu viku og hafði fyrirtækið svarfrest til mánudags.