Kvöldfréttir Stöðvar 2 í beinni

Í kvöldfréttum Stöðvar 2 verður rætt við Guðna A. Jóhannesson, orkumálastjóra, sem sakar verkefnisstjórn rammaáætlunar um lögbrot og ósæmandi málsmeðferð með því að sópa virkjanakostum undir teppi og halda þeim leyndum gagnvart Alþingi.

Í fréttatímanum verður einnig fjallað um hvalaskoðunarfyrirtækið Eldingu sem sakað er um að hafa brotið lög með því að auglýsa eftir sjálfboðaliðum í ólaunuð störf. Einnig verður rætt við formann hjólreiðafélags Reykjavíkur sem segir hjólastíga ekki vera kappakstursbrautir og að umræðan um tillitsleysi hjólreiðamanna sé óheppileg.

Þá verðum við í beinni útsendingu frá bæjarhátíðinni Bjartir dagar sem hófst í Hafnarfirði í dag.

Þetta og margt fleira í kvöldfréttum Stöðvar 2, klukkan 18:30 á samtengdum rásum Stöðvar 2 og Bylgjunnar og í beinni útsendingu á fréttavefnum Vísi.