Suðrænir gestir sestir upp

Niðurstöður úr marsralli Hafrannsóknastofnunar sýna að ýmsar suðlægar tegundir hafa fest sig í sessi við landið – þeirra á meðal svartgóma og litla brosma.

Upp úr aldamótum fór magn ýmissa suðlægra tegunda í marsralli vaxandi við sunnanvert landið, m.a. silfurkóðs og fyrrnefndra tegunda. Af þeim fengust aðeins stakir fiskar fyrstu 15 árin en árin 2010 til 2014 var fjöldinn talinn í hundruðum.

Allt tengist þetta hlýnun síðustu ára og áratuga. Hitastig sjávar við botn mældist að meðaltali hátt líkt og undanfarin ár. Í hlýsjónum við sunnan- og suðvestanvert landið var botnhiti þó í lægri kantinum miðað við árin 2003 og 2014. Við Vestfirði var hitastig lítið eitt hærra en árin 2014 og 2015, en lægra en fjögur ár þar á undan. Við norðan- og norðaustanvert landið var botnhiti nálægt meðaltali hlýju áranna frá 1996.

Þessi frétt birtist fyrst í Fréttablaðinu þann 21. apríl.