Innlent

Icewear skoðar undirverktaka

Kristjana Björg Guðbrandsdóttir skrifar
Icewear hefur samið við stórt alþjóðlegt fyrirtæki, SGS um eftirlit með framleiðslu í fjórtán verksmiðjum í Asíu og Evrópu.
Icewear hefur samið við stórt alþjóðlegt fyrirtæki, SGS um eftirlit með framleiðslu í fjórtán verksmiðjum í Asíu og Evrópu. Fréttablaðið/Þórhildur
Icewear hefur samið við alþjóðlega eftirlitsfyrirtækið SGS um reglubundna skoðun og eftirlit með 14 fyrirtækjum, fataverksmiðjum og saumastofum sem starfa fyrir Icewear í Asíu og Evrópu.

Markmiðið er að tryggja að fyrirtæki sem starfa fyrir Icewear fari eftir lögum um launagreiðslur, aðbúnað, öryggi og almenna hollustuhætti á vinnustöðunum.

„Þetta fyrirtæki er bæði með gæðaeftirlit á fatnaði og svo gera þeir ítarlega úttekt sem snýr að samfélagslegri ábyrgð,“ segir Ágúst Þór Eiríksson, forstjóri Icewear, sem kveðst hafa farið til Kína til fundar við SGS eftir að verktaki sem vann fyrir Icewear í Vík í Mýrdal var sakaður um mansal.

„Það var okkur mikið áfall þegar mansalsmálið kom upp, maður fann að allir starfsmenn fyrirtækisins fundu fyrir þessu og fjölskyldur þeirra. Við viljum ganga í gegnum þetta ferli þó það sé dýrt.“

Þessi frétt birtist fyrst í Fréttablaðinu þann 21. apríl.




Fleiri fréttir

Sjá meira


×