Evrópusinnaður forsætisráðherra kjörinn í Serbíu

Aleksander Vucic hefur verið lýstur sigurvegari í almennum kosningum í Serbíu en útgönguspár gera ráð fyrir að flokkur hans Framfaraflokkurinn hljóti helming atkvæða að talningu lokinni. Hann sagði heiður að Serbar hefðu aftur gefið flokknum hans færi á að leiða ríkisstjórn í Serbíu.

Vucic er hliðhollur aðild Serbíu að Evrópusambandinu og vill fara af stað með nauðsynlegar breytingar á landslögum til þess að það verði að veruleika. Þegar hann kaus sjálfur í dag sagðist hann vona að kjósendur myndu velja „hinn evrópska veg.“ Aðildarviðræður hófust í desember á síðasta ári. 

Kosningarnar eru þær þriðju í Serbíu á minna en fjórum árum.

Framfaraflokkur Vucic hefur verið við stjórnvölinn síðan 2012. Hann hlaut hreinan meirihluta í kosningunum fyrir tveimur árum en það hefur aldrei gerst áður í sögu Serbíu. Flokkurinn vill aðild að Evrópusambandinu á sama tíma og hann vill halda góðu sambandi við Rússland.

Efnahagsástand í Serbíu er ekki gott og atvinnuleysi er um 18 prósent.