Bílvelta á Suðurlandsvegi

Þyrla Landhelgisgæslunnar var ræst út vegna bílveltu sem varð á Suðurlandsvegi milli Söluskálans Landvegamótum og Hellu, um klukkan tvö í dag.

Samkvæmt upplýsingum frá lögreglunni á Suðurlandi voru tveir erlendir ferðamenn í bílnum og eru þeir báðir komnir til meðvitundar. Mennirnir eru taldið mikið slasaðir og þyrla landhelgisgæslunnar hefur flutt mennina af slysstað.

Mikill viðbúnaður var á staðnum og var Suðurlandsvegi lokað á meðan þyrlan var að athafna sig. Vegurinn hefur nú verið opnaður aftur.