Hafa lagt fram nýja tillögu

Boltinn er hjá Isavia og Samtökum atvinnulífsins, segir Sigurjón Jónasson, formaður Félags íslenskra flugumferðarstjóra (FÍF). Fundur var í kjaradeilu félagsins hjá ríkissáttasemjara fyrir hádegi í gær.

„Við lögðum fram tillögu um hvernig við vildum sjá framhaldið,“ segir Sigurjón, en samninganefndir félaganna hittast næst í byrjun næstu viku.

Flugvirkjar samþykktu yfirvinnubann eftir að „hvorki gekk né rak“ í deilunni eftir að henni var vísað til ríkissáttasemjara fyrr á þessu ári. Bannið tók gildi 6. þessa mánaðar og hefur orðið til þess að lítilsháttar röskun hefur orðið bæði á innanlands- og millilandaflugi síðustu daga.

Fréttin birtist fyrst í Fréttablaðinu 14. apríl.