Stærstu fyrirtæki heims sek um skattaundaskot í stórum stíl

Bandarísk stórfyrirtæki á borð við Apple, Walmart og General Electric, hafa komið 1,4 trilljónum bandaríkjadala fyrir á reikningum í skattaskjólum, þrátt fyrir að hafa þegið trilljónir dala í ríkisstyrki síðustu árin.

Þessu er haldið fram í nýrri skýrslu frá Oxfam samtökunum sem berjast gegn fátækt í heiminum. Summan, ein komma fjórar trilljónir, jafnast á við efnahagsframleiðslu Rússa, Suður Kóreumanna og Spánverja.

Henni er, samkvæmt skýrslunni, dreift á um sextánhundruð dótturfyrirtæki sem öll eiga heimilisfesti á aflandssvæðum á borð við Tortóla og Bermúda.

Mesti þrjóturinn, samkvæmt skýrslunni, er tæknirisinn Apple. Þetta næststærsta fyrirtæki heims geymir 181 milljarð dollara í skattaskjólum víðsvegar um heim, í þremur dótturfyrirtækjum.