Ísland í dag: Nóttin kostar milljón í dýrustu hótelsvítu landsins

Engu er til sparað í dýrustu hótelsvítu landsins en hana er að finna á efstu hæðinni á Hótel Keflavík. Þar hafa verið innréttaðar fimm glæsilegar hótelsvítur sem hægt er að leigja saman eða í sitthvoru lagi. 

Séu þær leigðar saman er um að ræða stærstu hótelsvítu Norðurlanda að sögn hótelstjórans Steinþórs Jónssonar. Nóttin kostar þá eina milljón króna.

Andri Ólafsson þáttastjórnandi Ísland í dag heimsótti fjórar af glæsilegustu hótelsvítum landsins nýlega. Sýnt var frá þeim heimsóknum í þættinum í kvöld.

Hægt er að sjá innslagið í fullri lengd hér að ofan.