Niðurstaðan vissulega vonbrigði

Fjárhagsstaða Reykjanesbæjar hefur verið mjög erfið um langt skeið og ekki náðist samkomulag við alla kröfuhafa Reykjanesbæjar og Reykjaneshafnar um afskriftir af lánum bæjarins undir lok dags í gær eins og stefnt hafði verið að. Því ákvað meirihluti bæjarráðs að leggja það til við bæjarstjórn að hún samþykki á næsta fundi sínum að óskað verði eftir því við innnanríkisráðuneytið að sveitarfélaginu verði skipuð fjárhaldsstjórn, með öðrum orðum að ráðuneytið taki yfir fjármál bæjarins.

„Við störfum samkvæmt sveitastjórnarlögum og íþeim er alveg skýrt kveðiðá um það að ef í fyrsta lagi sveitastjórn sér ekki fram á að komast undir 150% skuldaviðmið fyrir árið 2022 þá beri henni að tilkynna eftirlitsnefnd með fjármálum sveitarfélaga það. Hitt er svo að ef hún sér enga leiðút úr málinu á hún aðóska eftir því að sveitarfélaginu sé skipuð fjálhaldsstjórn," segir Kjartan Már Kjartansson, bæjarstjóri Reykjanesbæjar.

Í nýjum ársreikningi sveitarfélagsins, sem kynntur verður á fundi bæjarstjórnar næsta þriðjudag, kveður við nýjan tón í rekstri sveitarfélagsins, en Kjartan segir að staða og afkoma sveitarfélagsins sé allt önnur en verið hefur.

„Það dugir bara ekki til því sveitarfélagið skuldar svo gríðarlega mikið að við náum ekki að standa skil á greiðslum áöllum þeim lánum sem sveitarfélagið skuldar,“ segir Kjartan.

„Þetta eru mikil vonbrigði. En maður verður líka að leita að tækifærunum í svona stöðu, þau eru þarna líka. Það getur vel verið aðþetta komi vel út og við verðum bara að trúa því. Og alls ekki tapa gleðinni, það er mjög mikilvægt. Lífið heldur áfram, það dó enginn. Þetta eru bara peningar."