Vissi ekki hvernig hann komst frá Suðurnesjum á Granda

Karlmaður á fertugsaldri sem fannst illa til reika fyrir utan fyrirtæki á Granda snemma í morgun fékk að gista í fangaklefa þar til hann nær áttum.

Að því er segir í tilkynningu lögreglunnar á höfuðborgarsvæðinu var maðurinn í annarlegu ástandi þegar lögregla kom á vettvang, sagðist búa á Suðurnesjum og vissi ekki hvernig hann endaði í Reykjavík.

Maðurinn var sömuleiðis skólaus og án yfirhafnar samkvæmt lögreglu. Annað svipað tilfelli er rakið í tilkynningu lögreglunnar um helstu tíðindi morgunsins, en klukkan sex í morgun var tilkynnt um karlmann á fimmtudagsaldri sofandi ölvunarsvefni fyrir veitingastað í miðborginni.

Sá sagðist sömuleiðis ekki eiga í nein hús að venda þegar lögregla vakti hann þar sem hann væri ekki búsettur á höfuðborgarsvæðinu. Fékk hann einnig að gista fangaklefa þar til hann nær áttum.