Fjölda vegfarenda hjálpað í nótt

Björgunarsveitarmenn og Vegagerðarmenn hjálpuðu fjölda vegfarenda í ófærð og illviðri um norðan og vestanvert landið fram á nótt, en veðrið er nú gengið niður að mestu.

Vegagerðarmenn fóru fyrir lestum af fólksbílum yfir Holtavörðuheiðina , en ófært varð um þverárfjall, Hófaskarð, Mývatns- og Möðrudalsöræfi snemma í gærkvköldi.

Steingrímsfjarðarheiði og Þröskuldum var einnig lokað og sömuleiðis veginum frá Skeiðarársandi austur að Jökulsárlónmi. Afleitt veður var á suðausturlandi í nótt, en eitthvað mun nú farið að lægja þar. Mikil örtröð var á áningastöðum við þjóðvegina eina og til dæmis í Staðarskála og Hreðarvatnsskála. Innanlandsflug lág líka að mestu niðri frá því síðdegis í gær, en nú eru horfur betri.

Þrátt fyrir að fjölmargir hafi lenti í vandræðum á vegunum í gærkvöldi, er fréttastofu ekki kunnugt um nein slys á fólki.