Ólafur Ragnar Grímsson hefur ákveðið að bjóða sig fram til embættis forseta Íslands í sjötta skiptið. Hann tilkynnti þetta á blaðamannafundi á Bessastöðum í dag.
Í kvöldfréttum Stöðvar tvö verður nánar fjallað um ákvörðun Ólafs Ragnar Grímssonar um að bjóða sig fram í sjötta sinn í embætti forseta Íslands. Könnuð verða viðbrögð hjá Alþingismönnum auk forsætisráðherra en Sigurður Ingi Jóhannsson hefur fagnað framboði Ólafs.Þá munum við ræða í beinni við Guðna Th. Jóhannesson sagnfræðiprófessor um hans sýn á málið.
Þá verður Guðni í ítarlegu viðtali í Ísland í dag ásamt Andra Snæ Magnasyni forsetaframbjóðanda. Þetta og margt fleira í á samtengdum rásum Stöðvar tvö og Bylgjunnar og í beinni útsendingu á Vísi klukkan hálf-sjö. En fleira er ekki í fréttum að sinni, fram að kvöldfréttum minnum við á fréttavefinn Vísi.
Kvöldfréttirnar hefjast klukkan 18:30 og Ísland í dag er strax í kjölfarið, allt í opinni dagskrá á Stöð 2 og Vísi.
Innlent
