Lagði fram þingsályktun til að bæta málfar þingmanna

Hvað skal gera þegar þú lendir ítrekað í því að samstarfsfélagar þínir nota ítrekað röng orð í vinnunni sinni og leiðréttingar þínar skila engum árangri? Þingmaður í Missouri-ríki í Bandaríkjunum fór heldur óvenjulega leið.

Tracy McCreery situr á þingi fyrir Repúblíkanaflokkinn en henni leiddist að samstarfsmenn hennar notuðu ítrekað orðið physical í stað orðsins fiscal. Þrátt fyrir að hljóma eins þá er gífurlegur munur á meiningu orðanna þar sem annað þeirra tengist líkamanum og náttúru- og eðlisfræði en hitt er algerlega hagfræðilegs eðlis.

„Ég gerði þetta því ég átti engan annan kost. Það er hægt að setja út á margt í löggjöf Missouri og þetta er aðeins einn þeirra hluta,“ segir McCreery í samtali við River Front Times. Margir hafi gerst sekir um að nota rangt orð ítrekað í rituðu máli.

Þingsályktunin hljóðar svo að þingmönnum beri, héðan í frá, að nota orðið fiscal þegar það á við og hætta þegar í stað að brúka physical.