Kvöldfréttir Stöðvar 2 í beinni

Varaformaður Vinstri grænna segir að nú sé komið í ljós að forsætisráðherra sé sjálfur á meðal þeirra sem hann hafi kallað hrægamma og gert kröfur í föllnu bankanna. Fjármál Önnu Sigurlaugu Pálsdóttur, eiginkonu Sigmundar Davíðs Gunnlaugssonar, forsætisráðherra voru til umræðu á Alþingi í dag en fjallað verður um málið í kvöldfréttum Stöðvar 2.

Einnig verður rætt við Kristínu Guðmundsdóttur sem missti tvo drengi á nítjándu viku meðgöngu, en hún fagnar nýjum lögum um fæðingarorlof foreldra sem fæða andvana börn.

Þá verður rætt við háskólanema sem virðast vera hlynntir afglæpavæðingu fíkniefnaneyslu og dósent í tölvunarfræði við Háskólann í Reykjavík sem segir að gervigreind geti nú unnið þá bestu í öllum leikjum en vitvélin AlphaGo fór létt með heimsmeistarann í Go í gær.

Kvöldfréttir Stöðvar 2 hefjast klukkan 18:30 og eru, sem fyrr, í opinni dagskrá. Hægt er að horfa á fréttirnar í spilaranum hér fyrir ofan.