Eins og fjallað var um á Vísi í morgun átti Darrel Lewis stórleik þegar Tindastóll vann öruggan sigur á Snæfelli á heimavelli í gær, 114-85.
Lewis, sem varð fertugur á laugardaginn, átti frábæran leik í Síkinu í gær og skoraði 35 stig, flest allra á vellinum. Hann tók einnig níu fráköst, gaf sex stoðsendingar og var alls með 39 framlagsstig.
Stólarnir eru nú búnir að vinna þrjá leiki í röð og með Lewis í þessum ham eru þeir ekki árennilegir.
Myndband með helstu tilþrifum hins fertuga Lewis má sjá í spilaranum hér að ofan.
Körfubolti
