Biegler sagði upp störfum

Það kom ekki neinum á óvart þegar Michael Biegler greindi frá því í morgun að hann hefði ákveðið að láta af þjálfun pólska landsliðsins.

Lið hans fékk flengingu gegn Króötum í gær og komst ekki í undanúrslit EM á heimavelli.

Sjá einnig: Ótrúlegur sigur Króata kom þeim í undanúrslit

Pólska handknattleikssambandið hafði ekkert á móti uppsögn þjálfarans sem mun stýra Pólverjum í síðasta skipti í leiknum um sjöunda sætið gegn Svíum.

Undir hans stjórn náði liðið bronsi á HM í Katar á síðasta ári og ætlaði sér heldur betur stóra hluti á heimavelli núna en stóð ekki undir væntingum.

Biegler hefur átt erfiða mánuði því hann var líka að þjálfa þýska liðið Hamburg sem síðan varð gjaldþrota.