Matfugl innkallar kjúklingastrimla vegna listeríu

Matfugl hefur innkallað Matfugls kjúklingastrimla eftir að mengun af völdum Listeria monocytogenis fannst við innra eftirlit. Hefur fyrirtækið ákveðið að innkalla vöruna í varúðarskyni.

Innköllunin nær eingöngu til pakkninga með lotunúmerinu 3101126331 með best fyrir dagsetninguna 03.09.2016.

Í tilkynningunni segir að neytendum sem keypt hafi vöruna sé bent á að skila henni til fyrirtækisins eða í viðkomandi verslun.

Upplýsingar um vöruna:

Vöruheiti: Matfugls kjúklingastrimlar

Framleiðandi: Matfugl ehf

Nettóþyngd: 300 gr

Lotunúmer: 3101126331

Best fyrir: 03.09.2016

Geymsluskilyrði: Kælivara

Nánari upplýsingar um Listeria monocytogenes má finna á vefsíðu Matvælastofnunar.