Þetta verður þolinmæðisverk Henry Birgir Gunnarsson skrifar 5. nóvember 2016 06:00 Geir messar yfir sínum mönnum í Tékkaleiknum. vísir/ernir „Þetta var áhugavert ferðalag og engin skemmtun. Að þurfa að taka rútu í fimm klukkutíma eftir að hafa verið í tveimur flugum er ekki beint ákjósanlegt,“ segir Geir Sveinsson landsliðsþjálfari eftir komuna til Sumy í Úkraínu. „Í sjálfu sér á þetta ekkert að vera leyfilegt að mínu mati. Þessir leikir eiga að vera spilaðir nálægt alþjóðaflugvöllum. Þær voru ansi margar holurnar á þessum sveitavegum þannig að menn náðu nú ekki beint mikilli hvíld í rútunni.“ Til að bæta gráu ofan á svart þá skiluðu ekki allar töskur sér til Úkraínu. Það tafði brottför frá flugvellinum í Úkraínu um einn og hálfan tíma. Meðal annars vantaði búninga og bolta en það átti að skila sér í tíma fyrir leikinn í dag sem hefst klukkan 16.00. Heilsufarið á leikmannahópnum eftir sigurinn gegn Tékkum er nokkuð gott og aðeins einn leikmaður að glíma við meiðsli. „Gunnar Steinn Jónsson er spurningamerki og þess vegna kom Janus Daði Smárason með okkur út. Ég held að allir aðrir í hópnum eigi klárlega að geta spilað.“Verðugt verkefni Úkraína er búið með einn leik í riðlinum rétt eins og Ísland. Úkraínumenn spiluðu í Makedóníu á miðvikudag og máttu sætta sig við sex marka tap, 27-21, eftir að hafa verið þrem mörkum undir, 13-10, í hálfleik. „Ég sagði fyrir forkeppnina að þeir væru svolítið óskrifað blað. Á pappírnum ættu þeir að vera sísta liðið í riðlinum. Nú er ég búinn að skoða leik þeirra gegn Makedóníu og alveg ljóst að þetta er hörkulið,“ segir þjálfarinn og varar við því að fólk sé að gera lítið úr andstæðingnum. „Það var ekki fyrr en síðustu fimm mínúturnar sem Makedónía náði að hrista þá af sér og klára leikinn. Þetta eru ungir, stórir og kröftugir strákar. Það er mikil hæð í þessu liði. Þeir spila alþjóðlegan bolta og gerðu þetta virkilega vel gegn Makedóníu. Þetta er því mjög verðugt verkefni.“Vörnin hreyfanlegri Landsliðsþjálfarinn segir að liðið þurfi að breyta ákveðnum áherslum í leik sínum frá því í leiknum gegn Tékkum og þá sérstaklega í vörninni. „Við þurfum að vera hreyfanlegri í varnarleiknum. Hér erum við að glíma við stærri og öflugri skyttur. Við verðum að ganga út í þessa leikmenn. Í sóknarleiknum þurfum við síðan að vera mjög agaðir og hreyfa þessa stóru leikmenn hjá þeim. Þetta verður þolinmæðisverk,“ segir Geir en hann hafði aðeins gærdaginn til þess að undirbúa liðið fyrir leikinn. Hvað lagði hann áherslu á þar? „Við verðum að prófa ákveðnar leiðir í sókninni sem við teljum að gætu virkað gegn þessu liði. Við reynum að byggja ofan á það sem við vorum að gera gegn Tékkunum. Við komum með eitthvað nýtt sem við notuðum ekki heima. Svo þurfum við að halda varnarleiknum stöðugum og reyna að ná fram örlítið betri samvinnu á milli varnar og markvarðar.“Markmiðið klárt Þó svo Geir beri mikla virðingu fyrir andstæðingnum þá er ekkert launungarmál að hann er kominn til Úkraínu til að sækja tvö stig. „Það er ekkert annað í stöðunni. Við ætlum okkur alltaf tvö stig og markmiðið hér úti er klárt. Það er að sækja tvo punkta.“ EM 2018 í handbolta Mest lesið Uppgjörið: FH - Veszprém 22-32 | Takk Aron Handbolti Hætti við að giftast fótboltastjörnunni af því að allt var skráð á móður hans Fótbolti Blikar mæta Loga, Shakhtar og Shamrock Fótbolti Nýja Liverpool stjarnan fær sultarlaun Enski boltinn „Sérfræðingurinn má hringja í mig og koma með þetta plan B“ Körfubolti Framtíð Maríu hjá Marseille í óvissu eftir uppþotið í æfingaleik Fótbolti Mourinho rekinn frá Fenerbahce Fótbolti „Negldi Tryggva með hnénu, hoppaði á hann og fór í höndina“ Körfubolti Hákon mætir Frey, Sævari og Eggerti í Evrópudeildinni Fótbolti Aron spilar síðasta leikinn: „Held að ég sé ekki búinn að gleyma öllu“ Handbolti Fleiri fréttir Ómar Ingi skoraði úr ellefu fyrstu skotunum og endaði með fimmtán mörk Haukur Þrastar byrjar mjög vel með Ljónunum Leik lokið: FH - Veszprém 22-32 | Takk Aron Aron spilar síðasta leikinn: „Held að ég sé ekki búinn að gleyma öllu“ Strákarnir hans Guðjóns Vals byrja tímabilið vel Ágúst strax kominn með titil hjá Álaborg Íslenska tríóið grátlega nálægt titli Gat ekki skammað frænda því hann þurfti að fara upp á spítala Stjarnan er meistari meistaranna „Magnað að við séum enn að leita í vinskap hvors annars“ Með krabbamein í brjósti en hættir ekki að spila „Upplifi þetta mál sem fjölskylduharmleik“ Misstu Egypta fram úr sér í seinni hálfleik ÍBV segir tvær hliðar á málinu og óskar Kára velfarnaðar Unnu Ungverja og spila við heimamenn um fimmta sætið á HM Kári Kristján spilar aldrei aftur fyrir ÍBV Sárt tap gegn Dönum á HM Viktor Gísli fær treyju númer eitt hjá Barcelona Ævintýralegar lokasekúndur tryggðu Ísland í átta liða úrslit Slóvenskt undrabarn skoraði 23 mörk gegn Noregi Tap setur Ísland í erfiða stöðu Stelpurnar unnu Noreg á EM og tryggðu sér sautjánda sætið Strákarnir unnu Brassa og fóru áfram með fullt hús Leika um 17. sætið á EM eftir sigur á Austurríki Ágúst Elí leysir af Landin hjá besta liði landsins Leðurblökur að trufla handboltafélag Markvörður íslenska liðsins með fimm mörk Íslensku strákarnir byrjuðu HM á 22 marka sigri Þýsku meistararnir urðu að segja upp öllum leikmönnunum sínum Blær og félagar „niðurlægðir“ á undirbúningstímabilinu Sjá meira
„Þetta var áhugavert ferðalag og engin skemmtun. Að þurfa að taka rútu í fimm klukkutíma eftir að hafa verið í tveimur flugum er ekki beint ákjósanlegt,“ segir Geir Sveinsson landsliðsþjálfari eftir komuna til Sumy í Úkraínu. „Í sjálfu sér á þetta ekkert að vera leyfilegt að mínu mati. Þessir leikir eiga að vera spilaðir nálægt alþjóðaflugvöllum. Þær voru ansi margar holurnar á þessum sveitavegum þannig að menn náðu nú ekki beint mikilli hvíld í rútunni.“ Til að bæta gráu ofan á svart þá skiluðu ekki allar töskur sér til Úkraínu. Það tafði brottför frá flugvellinum í Úkraínu um einn og hálfan tíma. Meðal annars vantaði búninga og bolta en það átti að skila sér í tíma fyrir leikinn í dag sem hefst klukkan 16.00. Heilsufarið á leikmannahópnum eftir sigurinn gegn Tékkum er nokkuð gott og aðeins einn leikmaður að glíma við meiðsli. „Gunnar Steinn Jónsson er spurningamerki og þess vegna kom Janus Daði Smárason með okkur út. Ég held að allir aðrir í hópnum eigi klárlega að geta spilað.“Verðugt verkefni Úkraína er búið með einn leik í riðlinum rétt eins og Ísland. Úkraínumenn spiluðu í Makedóníu á miðvikudag og máttu sætta sig við sex marka tap, 27-21, eftir að hafa verið þrem mörkum undir, 13-10, í hálfleik. „Ég sagði fyrir forkeppnina að þeir væru svolítið óskrifað blað. Á pappírnum ættu þeir að vera sísta liðið í riðlinum. Nú er ég búinn að skoða leik þeirra gegn Makedóníu og alveg ljóst að þetta er hörkulið,“ segir þjálfarinn og varar við því að fólk sé að gera lítið úr andstæðingnum. „Það var ekki fyrr en síðustu fimm mínúturnar sem Makedónía náði að hrista þá af sér og klára leikinn. Þetta eru ungir, stórir og kröftugir strákar. Það er mikil hæð í þessu liði. Þeir spila alþjóðlegan bolta og gerðu þetta virkilega vel gegn Makedóníu. Þetta er því mjög verðugt verkefni.“Vörnin hreyfanlegri Landsliðsþjálfarinn segir að liðið þurfi að breyta ákveðnum áherslum í leik sínum frá því í leiknum gegn Tékkum og þá sérstaklega í vörninni. „Við þurfum að vera hreyfanlegri í varnarleiknum. Hér erum við að glíma við stærri og öflugri skyttur. Við verðum að ganga út í þessa leikmenn. Í sóknarleiknum þurfum við síðan að vera mjög agaðir og hreyfa þessa stóru leikmenn hjá þeim. Þetta verður þolinmæðisverk,“ segir Geir en hann hafði aðeins gærdaginn til þess að undirbúa liðið fyrir leikinn. Hvað lagði hann áherslu á þar? „Við verðum að prófa ákveðnar leiðir í sókninni sem við teljum að gætu virkað gegn þessu liði. Við reynum að byggja ofan á það sem við vorum að gera gegn Tékkunum. Við komum með eitthvað nýtt sem við notuðum ekki heima. Svo þurfum við að halda varnarleiknum stöðugum og reyna að ná fram örlítið betri samvinnu á milli varnar og markvarðar.“Markmiðið klárt Þó svo Geir beri mikla virðingu fyrir andstæðingnum þá er ekkert launungarmál að hann er kominn til Úkraínu til að sækja tvö stig. „Það er ekkert annað í stöðunni. Við ætlum okkur alltaf tvö stig og markmiðið hér úti er klárt. Það er að sækja tvo punkta.“
EM 2018 í handbolta Mest lesið Uppgjörið: FH - Veszprém 22-32 | Takk Aron Handbolti Hætti við að giftast fótboltastjörnunni af því að allt var skráð á móður hans Fótbolti Blikar mæta Loga, Shakhtar og Shamrock Fótbolti Nýja Liverpool stjarnan fær sultarlaun Enski boltinn „Sérfræðingurinn má hringja í mig og koma með þetta plan B“ Körfubolti Framtíð Maríu hjá Marseille í óvissu eftir uppþotið í æfingaleik Fótbolti Mourinho rekinn frá Fenerbahce Fótbolti „Negldi Tryggva með hnénu, hoppaði á hann og fór í höndina“ Körfubolti Hákon mætir Frey, Sævari og Eggerti í Evrópudeildinni Fótbolti Aron spilar síðasta leikinn: „Held að ég sé ekki búinn að gleyma öllu“ Handbolti Fleiri fréttir Ómar Ingi skoraði úr ellefu fyrstu skotunum og endaði með fimmtán mörk Haukur Þrastar byrjar mjög vel með Ljónunum Leik lokið: FH - Veszprém 22-32 | Takk Aron Aron spilar síðasta leikinn: „Held að ég sé ekki búinn að gleyma öllu“ Strákarnir hans Guðjóns Vals byrja tímabilið vel Ágúst strax kominn með titil hjá Álaborg Íslenska tríóið grátlega nálægt titli Gat ekki skammað frænda því hann þurfti að fara upp á spítala Stjarnan er meistari meistaranna „Magnað að við séum enn að leita í vinskap hvors annars“ Með krabbamein í brjósti en hættir ekki að spila „Upplifi þetta mál sem fjölskylduharmleik“ Misstu Egypta fram úr sér í seinni hálfleik ÍBV segir tvær hliðar á málinu og óskar Kára velfarnaðar Unnu Ungverja og spila við heimamenn um fimmta sætið á HM Kári Kristján spilar aldrei aftur fyrir ÍBV Sárt tap gegn Dönum á HM Viktor Gísli fær treyju númer eitt hjá Barcelona Ævintýralegar lokasekúndur tryggðu Ísland í átta liða úrslit Slóvenskt undrabarn skoraði 23 mörk gegn Noregi Tap setur Ísland í erfiða stöðu Stelpurnar unnu Noreg á EM og tryggðu sér sautjánda sætið Strákarnir unnu Brassa og fóru áfram með fullt hús Leika um 17. sætið á EM eftir sigur á Austurríki Ágúst Elí leysir af Landin hjá besta liði landsins Leðurblökur að trufla handboltafélag Markvörður íslenska liðsins með fimm mörk Íslensku strákarnir byrjuðu HM á 22 marka sigri Þýsku meistararnir urðu að segja upp öllum leikmönnunum sínum Blær og félagar „niðurlægðir“ á undirbúningstímabilinu Sjá meira