Áfram sofandi í öndunarvél

Maðurinn sem slasaðist í bílslysi á Suðurlandsvegi á mánudag er enn sofandi í öndunarvél. Maðurinn, sem er á fertugsaldri, var annar tveggja í bíl sem valt á vegakaflanum milli Landvegamóta og Hellu um tvöleytið.

Maðurinn sem fluttur var alvarlega slasaður á Landspítalann eftir vélsleðaslys nálægt Hrafntinnuskeri á laugardaginn liggur á gjörgæslu.

Þá er ástand mannsins sem slasaðist þegar fólksbíll og jeppi skullu saman á Vesturlandsvegi skammt frá Tungufossi á laugardaginn stöðugt.