Aðstoðarmaður Kid Rock dó á landareign hans

Aðstoðarmaður tónlistarmannsins Kid Rock lést í fjórhjólaslysi á heimili hans á dögunum. Hann segist miður sín eftir að hafa fundið líkið. Lögreglan segir að Michael Sacha hafi verið að keyra gesti Kid Rock frá heimili tónslistarmannsins þegar hann lenti í slysi.

Rock, sem heitir í raun Robert Ritchie, segist algerlega miður sín, en hann kom að slysinu ásamt vini sínum fyrir utan heimili sitt.

„Hann var hluti af fjölskyldu okkar og einn besti ungi maður sem ég hef starfað með og þekkt,“ sagði Ritchie í tilkynningu.

Samkvæmt Tennessean lenti Sacha í slysinu í gærkvöldi og var hann látinn þegar sjúkraflutningamenn komu á vettvang.