Umfjöllun og viðtöl: Grindavík - KR 70-81 | KR í úrslit annað árið í röð Ingvi Þór Sæmundsson í Grindavík skrifar 25. janúar 2016 21:30 Jón Axel Guðmundsson á ferðinni í leik á móti KR. Vísir/Ernir KR er komið í úrslitaleik Powerade-bikar karla í körfubolta eftir 11 stiga sigur á Grindavík, 70-81, í Mustad-höllinni í Grindavík í kvöld. Þetta er annað árið í röð sem KR kemst í bikarúrslit en andstæðingurinn að þessu sinni verður Þór frá Þorlákshöfn sem vann Keflavík í hinum undanúrslitaleiknum í kvöld. Grindvíkingar héldu í við KR-inga lengst af en flautuþristur hjá Birni Kristjánssyni undir lok 3. leikhluta kveikti í KR-ingum sem skoruðu fyrstu 12 stigin í 4. leikhluta og gengu þar með í raun frá leiknum. Heimamenn áttu ágætis endasprett en það dugði ekki til og KR-ingar fögnuðu sigri, 70-81. Grindvíkingar mættu ákveðnir til leiks og greinilega staðráðnir í að skilja allt eftir á vellinum. Þeir leiddu nær allan 1. leikhluta en KR-ingar voru aldrei langt undan. Í stöðunni 13-8 var allt byrjunarlið Grindvíkinga búið að skora en Ægir Þór Steinarsson var með öll átta stig KR-inga. Ægir var mjög beittur í fyrri hálfleik og vörn Grindvíkinga átti í vandræðum með að hemja hann. Ægir skoraði 15 stig í fyrri hálfleik og hitti úr öllum þremur þriggja stiga skotum sínum. Það var kannski eins gott fyrir KR-inga að Ægir væri duglegur að skora því leikmenn á borð við Brynjar Þór Björnsson, Pavel Ermolinskij og Michael Craion höfðu hægt um sig. Sá síðastnefndi var ólíkur sjálfum sér og hitti aðeins úr einu af sex skotum sínum í fyrri hálfleik. Það verður þó að gefa Charles Garcia prik fyrir varnarleikinn á Craion. Í sókninni var Garcia hins vegar misjafn. Hann endaði með 13 stig en aðeins þrjú þeirra komu í seinni hálfleik. Grindavík leiddi með sjö stigum eftir 1. leikhluta, 19-12, en KR-ingar voru fljótir að éta þann mun upp í byrjun 2. leikhluta. Grindvíkingar áttu í miklum vandræðum í sókninni en það tók þá tvær og hálfa mínútu að skora í 2. leikhluta. Heimamenn voru þó duglegir í sóknarfráköstunum og tóku 15 slík í fyrri hálfleik. Þau skiluðu mikilvægum stigum en þrátt fyrir góða baráttu Grindvíkinga leiddu KR-ingar í hálfleik, 36-38. Jón Axel Guðmundsson, leikstjórnandi Grindvíkinga, hefur greinilega tekið vítamínin sín í hálfleik því hann var magnaður í upphafi seinni hálfleiks. Jón Axel skoraði sjö fyrstu stig heimamanna, gaf stoðsendingar og varði svo skot frá Craion með látum. Því miður fyrir Grindavík fylgdu samherjar Jóns Axels ekki sama fordæmi. Garcia týndist í sókninni og liðið náði aldrei neinu teljandi forskoti. Þeir leiddu þó með einu stigi, 51-50, undir lok 3. leikhluta eða þangað til Björn skoraði áðurnefnda flautukörfu. Hún kveikti í Íslandsmeisturunum sem skoruðu 12 fyrstu stigin í 4. leikhluta og voru þar með búnir að gera 17 stig í röð án þess að Grindvíkingar næðu að svara. Eftir þennan frábæra kafla KR var brekkan orðin ansi brött fyrir Grindvíkinga en gestirnir komust mest 15 stigum yfir, 56-71. Þeir reyndu þó og reyndu en náðu aldrei að minnka muninn í minna en sjö stig. KR-ingar voru ískaldir á vítalínunni í lokin og kláruðu leikinn af fagmennsku. Lokatölur 70-81, KR í vil. Ægir var stigahæstur í liði KR með 20 stig en Craion kom næstur með 18 stig. Bandaríkjamaðurinn hafði afar hægt um sig framan af leik en fór í gang í 4. leikhluta þar sem hann skoraði 12 af 18 stigum sínum. Þá skilaði bekkurinn hjá KR flottu framlagi, alls 17 stigum gegn aðeins tveimur hjá Grindavík. Jón Axel bar af í liði heimamanna en hann endaði með 25 stig, 12 fráköst, fjórar stoðsendingar, þrjá stolna bolta og tvö varin skot. Þorleifur Ólafsson stóð einnig fyrir sínu en fyrirliðinn skoraði 17 stig.Bein lýsing: Grindavík - KRJóhann: Hefðum kannski mátt rúlla betur á liðinu Jóhann Þór Ólafsson, þjálfari Grindavíkur, var að vonum svekktur með tapið fyrir KR í kvöld. Hann sá þó eitt og annað jákvætt við spilamennsku sinna manna. "Þeir klára þetta á 3-4 fyrstu mínútunum í 4. leikhluta," sagði Jóhann en KR skoraði 12 fyrstu stig 4. leikhluta. "Þá fjaraði undan þessu hjá okkur. KR er með fáránlega gott lið og það er erfitt að koma til baka gegn þeim. En við reyndum og reyndum. Ég er ánægður með margt í okkar leik en hundóánægður með annað." Grindavík hitti illa í leiknum (29%) en tók 15 sóknarfráköst í fyrri hálfleik. "Við héldum okkur svolítið á lífi með þeim en í seinni hálfleik vorum við staðir í sókninni og létum ýta okkur út úr stöðum. "Varnarlega vorum við s.s. á pari en það voru litlir hlutir sem skiptu máli og KR-ingar voru betri í þeim," sagði Jóhann sem hefði viljað fá betra framlag frá sínum varamönnum sem skoruðu aðeins tvö stig gegn 17 hjá KR. "Við hefðum þegið meira framlag en við hefðum kannski mátt rúlla betur á liðinu og allt það. Við spiluðum mikið á byrjunarliðinu og kannski voru það mistök," sagði Jóhann að endingu.Finnur Freyr: Maður er aðeins þreyttari en venjulega Finnur Freyr Stefánsson var skiljanlega kátur í leikslok. Lífið leikur við þjálfarann þessa dagana, enda nýbakaður faðir og kominn með KR í bikarúrslit. "Lífið er skemmtilegt og maður sér það svolítið öðrum augum núna," sagði Finnur eftir leik. "En þetta er gaman þótt maður sé aðeins þreyttari en venjulega. Strákarnir eiga hrós skilið og vinnan undanfarnar vikur er að skila sér." Grindvíkingar seldu sig dýrt í leiknum í kvöld og KR þurfti að hafa mikið fyrir hlutunum. Grindavík tók t.a.m. 15 sóknarfráköst í fyrri hálfleik sem var of mikið að mati Finns. "Ég vil hrósa Grindvíkingum fyrir gott leikskipulag. Þeir spiluðu virkilega vel og gáfu okkur hörkuleik. Þeir tóku 15 sóknarfráköst og við töpuðum níu boltum í fyrri hálfleik en það voru hlutir sem við gátum lagað," sagði Finnur sem fékk mikið og gott framlag frá bekknum í kvöld. "Strákar eins og Bjössi (Björn Kristjánsson) og Helgi (Már Magnússon) skiluðu sínu sem og Snorri (Hrafnkelsson) sem skilaði fáum en mjög góðum mínútum. "Þessir strákar gáfu tóninn og bjuggu til þetta forskot sem við náðum. Þeir eiga hrós skilið." Bikarmeistaratitilinn er sá eini sem Finnur á eftir að vinna sem þjálfari KR og hann stefnir að sjálfsögðu á að vinna Þór Þorlákshöfn í úrslitaleiknum 13. febrúar næstkomandi. "Þetta verður hörkuleikur í Höllinni eins og þetta á að vera," sagði Finnur en Þórsarar eru á leið í sinni fyrsta bikarúrslitaleik. "Ég trúi ekki öðru en að öll Þorlákshöfn mæti í Höllina þannig að ég treysti á alla KR-inga að mæta," sagði Finnur brosandi að lokum.Tweets by @VisirKarfa2 Dominos-deild karla Mest lesið Óli Jó skellihló eftir pillu Heimis til KSÍ: „Takk fyrir mig“ Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Mike Tyson frestar bardaganum á móti Jake Paul Sport McIlroy fékk löggu til að afhenda konu sinni skilnaðarpappírana Golf Kane skrifaði undir samning á lokahófi Grindavíkur Körfubolti Ráku Brynjar Björn strax eftir leik Íslenski boltinn Sjáðu markaveisluna og magnaða endurkomu Framara á móti FH Íslenski boltinn Dagskráin í dag: Úrslitaleikur Meistaradeildarinnar Sport Courtois byrjar úrslitaleikinn Fótbolti Uppgjör: FH - Fram 3-3 | Ótrúleg endurkoma Fram í Krikanum Íslenski boltinn Fleiri fréttir Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Rússíbanareið Valsmanna í Íslandsmeistarasyrpunni Þótti vænt um að liðsfélagarnir mættu allir í jarðarförina Átján Íslandsmeistaratitlar á Hlíðarenda á átta árum Myndasyrpa frá oddaleiknum og fögnuði Valsmanna „Síðustu mánuðir ógeðslega erfiðir en maður á samt alltaf að mæta og spila“ „Við erum djöfulsins töffarar og sýndum það í dag“ „Let´s go og vinnum fleiri“ Twitter um oddaleikinn: Finnur Freyr, dómgæslan og ósvikin Valsgleði „Sögðust ætla að klára þetta fyrir mig“ Uppgjör: Valur - Grindavík 80-73 | Valsmenn Íslandsmeistarar í fjórða sinn Kristófer meiddist eftir örfáar sekúndur Leikmennirnir sem hafa skarað fram úr í baráttunni um titilinn Iðkendur með forgang: „Förum ekki að breyta því núna“ Finnur Freyr getur jafnað met Friðriks Inga í kvöld Grindvíkingar gætu tapað fjórða oddaleiknum um titilinn Leikmenn handboltaliðsins heiðursgestir í kvöld „Við skuldum sjálfum okkur alvöru frammistöðu á útivelli“ Grindvíkingar verða áfram í Smáranum „Þetta verður bara stríð“ Úlfarnir foruðust sópinn og Kyrie mistókst í fyrsta sinn að klára Martin og félagar töpuðu fyrsta leik undanúrslitanna Sjá meira
KR er komið í úrslitaleik Powerade-bikar karla í körfubolta eftir 11 stiga sigur á Grindavík, 70-81, í Mustad-höllinni í Grindavík í kvöld. Þetta er annað árið í röð sem KR kemst í bikarúrslit en andstæðingurinn að þessu sinni verður Þór frá Þorlákshöfn sem vann Keflavík í hinum undanúrslitaleiknum í kvöld. Grindvíkingar héldu í við KR-inga lengst af en flautuþristur hjá Birni Kristjánssyni undir lok 3. leikhluta kveikti í KR-ingum sem skoruðu fyrstu 12 stigin í 4. leikhluta og gengu þar með í raun frá leiknum. Heimamenn áttu ágætis endasprett en það dugði ekki til og KR-ingar fögnuðu sigri, 70-81. Grindvíkingar mættu ákveðnir til leiks og greinilega staðráðnir í að skilja allt eftir á vellinum. Þeir leiddu nær allan 1. leikhluta en KR-ingar voru aldrei langt undan. Í stöðunni 13-8 var allt byrjunarlið Grindvíkinga búið að skora en Ægir Þór Steinarsson var með öll átta stig KR-inga. Ægir var mjög beittur í fyrri hálfleik og vörn Grindvíkinga átti í vandræðum með að hemja hann. Ægir skoraði 15 stig í fyrri hálfleik og hitti úr öllum þremur þriggja stiga skotum sínum. Það var kannski eins gott fyrir KR-inga að Ægir væri duglegur að skora því leikmenn á borð við Brynjar Þór Björnsson, Pavel Ermolinskij og Michael Craion höfðu hægt um sig. Sá síðastnefndi var ólíkur sjálfum sér og hitti aðeins úr einu af sex skotum sínum í fyrri hálfleik. Það verður þó að gefa Charles Garcia prik fyrir varnarleikinn á Craion. Í sókninni var Garcia hins vegar misjafn. Hann endaði með 13 stig en aðeins þrjú þeirra komu í seinni hálfleik. Grindavík leiddi með sjö stigum eftir 1. leikhluta, 19-12, en KR-ingar voru fljótir að éta þann mun upp í byrjun 2. leikhluta. Grindvíkingar áttu í miklum vandræðum í sókninni en það tók þá tvær og hálfa mínútu að skora í 2. leikhluta. Heimamenn voru þó duglegir í sóknarfráköstunum og tóku 15 slík í fyrri hálfleik. Þau skiluðu mikilvægum stigum en þrátt fyrir góða baráttu Grindvíkinga leiddu KR-ingar í hálfleik, 36-38. Jón Axel Guðmundsson, leikstjórnandi Grindvíkinga, hefur greinilega tekið vítamínin sín í hálfleik því hann var magnaður í upphafi seinni hálfleiks. Jón Axel skoraði sjö fyrstu stig heimamanna, gaf stoðsendingar og varði svo skot frá Craion með látum. Því miður fyrir Grindavík fylgdu samherjar Jóns Axels ekki sama fordæmi. Garcia týndist í sókninni og liðið náði aldrei neinu teljandi forskoti. Þeir leiddu þó með einu stigi, 51-50, undir lok 3. leikhluta eða þangað til Björn skoraði áðurnefnda flautukörfu. Hún kveikti í Íslandsmeisturunum sem skoruðu 12 fyrstu stigin í 4. leikhluta og voru þar með búnir að gera 17 stig í röð án þess að Grindvíkingar næðu að svara. Eftir þennan frábæra kafla KR var brekkan orðin ansi brött fyrir Grindvíkinga en gestirnir komust mest 15 stigum yfir, 56-71. Þeir reyndu þó og reyndu en náðu aldrei að minnka muninn í minna en sjö stig. KR-ingar voru ískaldir á vítalínunni í lokin og kláruðu leikinn af fagmennsku. Lokatölur 70-81, KR í vil. Ægir var stigahæstur í liði KR með 20 stig en Craion kom næstur með 18 stig. Bandaríkjamaðurinn hafði afar hægt um sig framan af leik en fór í gang í 4. leikhluta þar sem hann skoraði 12 af 18 stigum sínum. Þá skilaði bekkurinn hjá KR flottu framlagi, alls 17 stigum gegn aðeins tveimur hjá Grindavík. Jón Axel bar af í liði heimamanna en hann endaði með 25 stig, 12 fráköst, fjórar stoðsendingar, þrjá stolna bolta og tvö varin skot. Þorleifur Ólafsson stóð einnig fyrir sínu en fyrirliðinn skoraði 17 stig.Bein lýsing: Grindavík - KRJóhann: Hefðum kannski mátt rúlla betur á liðinu Jóhann Þór Ólafsson, þjálfari Grindavíkur, var að vonum svekktur með tapið fyrir KR í kvöld. Hann sá þó eitt og annað jákvætt við spilamennsku sinna manna. "Þeir klára þetta á 3-4 fyrstu mínútunum í 4. leikhluta," sagði Jóhann en KR skoraði 12 fyrstu stig 4. leikhluta. "Þá fjaraði undan þessu hjá okkur. KR er með fáránlega gott lið og það er erfitt að koma til baka gegn þeim. En við reyndum og reyndum. Ég er ánægður með margt í okkar leik en hundóánægður með annað." Grindavík hitti illa í leiknum (29%) en tók 15 sóknarfráköst í fyrri hálfleik. "Við héldum okkur svolítið á lífi með þeim en í seinni hálfleik vorum við staðir í sókninni og létum ýta okkur út úr stöðum. "Varnarlega vorum við s.s. á pari en það voru litlir hlutir sem skiptu máli og KR-ingar voru betri í þeim," sagði Jóhann sem hefði viljað fá betra framlag frá sínum varamönnum sem skoruðu aðeins tvö stig gegn 17 hjá KR. "Við hefðum þegið meira framlag en við hefðum kannski mátt rúlla betur á liðinu og allt það. Við spiluðum mikið á byrjunarliðinu og kannski voru það mistök," sagði Jóhann að endingu.Finnur Freyr: Maður er aðeins þreyttari en venjulega Finnur Freyr Stefánsson var skiljanlega kátur í leikslok. Lífið leikur við þjálfarann þessa dagana, enda nýbakaður faðir og kominn með KR í bikarúrslit. "Lífið er skemmtilegt og maður sér það svolítið öðrum augum núna," sagði Finnur eftir leik. "En þetta er gaman þótt maður sé aðeins þreyttari en venjulega. Strákarnir eiga hrós skilið og vinnan undanfarnar vikur er að skila sér." Grindvíkingar seldu sig dýrt í leiknum í kvöld og KR þurfti að hafa mikið fyrir hlutunum. Grindavík tók t.a.m. 15 sóknarfráköst í fyrri hálfleik sem var of mikið að mati Finns. "Ég vil hrósa Grindvíkingum fyrir gott leikskipulag. Þeir spiluðu virkilega vel og gáfu okkur hörkuleik. Þeir tóku 15 sóknarfráköst og við töpuðum níu boltum í fyrri hálfleik en það voru hlutir sem við gátum lagað," sagði Finnur sem fékk mikið og gott framlag frá bekknum í kvöld. "Strákar eins og Bjössi (Björn Kristjánsson) og Helgi (Már Magnússon) skiluðu sínu sem og Snorri (Hrafnkelsson) sem skilaði fáum en mjög góðum mínútum. "Þessir strákar gáfu tóninn og bjuggu til þetta forskot sem við náðum. Þeir eiga hrós skilið." Bikarmeistaratitilinn er sá eini sem Finnur á eftir að vinna sem þjálfari KR og hann stefnir að sjálfsögðu á að vinna Þór Þorlákshöfn í úrslitaleiknum 13. febrúar næstkomandi. "Þetta verður hörkuleikur í Höllinni eins og þetta á að vera," sagði Finnur en Þórsarar eru á leið í sinni fyrsta bikarúrslitaleik. "Ég trúi ekki öðru en að öll Þorlákshöfn mæti í Höllina þannig að ég treysti á alla KR-inga að mæta," sagði Finnur brosandi að lokum.Tweets by @VisirKarfa2
Dominos-deild karla Mest lesið Óli Jó skellihló eftir pillu Heimis til KSÍ: „Takk fyrir mig“ Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Mike Tyson frestar bardaganum á móti Jake Paul Sport McIlroy fékk löggu til að afhenda konu sinni skilnaðarpappírana Golf Kane skrifaði undir samning á lokahófi Grindavíkur Körfubolti Ráku Brynjar Björn strax eftir leik Íslenski boltinn Sjáðu markaveisluna og magnaða endurkomu Framara á móti FH Íslenski boltinn Dagskráin í dag: Úrslitaleikur Meistaradeildarinnar Sport Courtois byrjar úrslitaleikinn Fótbolti Uppgjör: FH - Fram 3-3 | Ótrúleg endurkoma Fram í Krikanum Íslenski boltinn Fleiri fréttir Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Rússíbanareið Valsmanna í Íslandsmeistarasyrpunni Þótti vænt um að liðsfélagarnir mættu allir í jarðarförina Átján Íslandsmeistaratitlar á Hlíðarenda á átta árum Myndasyrpa frá oddaleiknum og fögnuði Valsmanna „Síðustu mánuðir ógeðslega erfiðir en maður á samt alltaf að mæta og spila“ „Við erum djöfulsins töffarar og sýndum það í dag“ „Let´s go og vinnum fleiri“ Twitter um oddaleikinn: Finnur Freyr, dómgæslan og ósvikin Valsgleði „Sögðust ætla að klára þetta fyrir mig“ Uppgjör: Valur - Grindavík 80-73 | Valsmenn Íslandsmeistarar í fjórða sinn Kristófer meiddist eftir örfáar sekúndur Leikmennirnir sem hafa skarað fram úr í baráttunni um titilinn Iðkendur með forgang: „Förum ekki að breyta því núna“ Finnur Freyr getur jafnað met Friðriks Inga í kvöld Grindvíkingar gætu tapað fjórða oddaleiknum um titilinn Leikmenn handboltaliðsins heiðursgestir í kvöld „Við skuldum sjálfum okkur alvöru frammistöðu á útivelli“ Grindvíkingar verða áfram í Smáranum „Þetta verður bara stríð“ Úlfarnir foruðust sópinn og Kyrie mistókst í fyrsta sinn að klára Martin og félagar töpuðu fyrsta leik undanúrslitanna Sjá meira