Tekinn á ofsahraða á Reykjanesbraut

Ökumaður sem var á ferð eftir Reykjanesbraut um helgina mældist á 173 kílómetra hraða þar sem hámarkshraði er 90 kílómetrar á klukkustund. Hann var færður á lögreglustöð og sviptur ökuréttindum til bráðabirgða.

Þá var ungur ökumaður tekinn á 123 kílómetra hraða á Reykjanesbrautinni. Hann reyndist ekki hafa náð átján ára aldri og hafði því lögreglan á Suðurnesjum samband við aðstandendur viðkomandi og gerði þeim grein fyrir brotinu, auk þess sem sektarboð var sent út.