Reyndu að laumast um borð í skip í Sundahöfn

Lögreglan handtók þrjá erlenda karlmenn við athafnasvæði Eimskips við Korngarða í Sundahöfn á þriðja tímanum í nótt. Þeir gerðu sig líklega til að komast um borð í flutningaskip, sem þar er við bryggju og á að sigla vestur um haf og ætluðu þeir að komast með því sem laumufarþegar.

Vaktmenn sáu til mannanna með eftirlitsmyndavélum og kölluðu lögreglu á vettvang, sem handtók mennina. Ekki kemur fram í skeyti lögreglu hvaða menn þetta voru , en að líkindum hafa þeir verið úr röðum hælisleitenda, eins og í fyrri tilvikum af þessum toga. Þeir verða yfirheyrðir í dag.