Valur aðeins með 19% skotnýtingu gegn Snæfelli | Öruggt hjá Haukum

Snæfell vann sinn áttunda sigur í röð í Domino's deild kvenna þegar liðið lagði Val örugglega að velli, 46-65, í Valshöllinni í dag.

Eins og tölurnar gefa til kynna var sóknarleikur Valskvenna ekki burðugur en skotnýting liðsins í leiknum var hörmuleg, eða aðeins 19%.

Valur var þó aðeins þremur stigum undir í hálfleik, 24-27, en í 3. leikhluta hertu Íslandsmeistarnir tökin. Snæfell vann 3. leikhlutann með helmingsmun, 24-11, og leikinn að lokum með 19 stiga mun, 46-65. Snæfell mætir Grindavík í bikarúrslitum eftir viku.

Gunnhildur Gunnarsdóttir var stigahæst í liði Snæfells með 19 stig en Haiden Palmer kom næst með 17 stig. Sú síðarnefnda tók einnig níu fráköst og gaf fimm stoðsendingar. Þá fékk Snæfell 14 stig frá bekknum í leiknum en Valur aðeins fjögur.

Karisma Chapman var langatkvæðamest í liði Vals með 21 stig og 19 fráköst, þar af 11 sóknarfráköst.

Tölfræði leiks:

Valur-Snæfell 46-65 (13-16, 11-11, 12-24, 10-14)

Valur: Karisma Chapman 21/19 fráköst/6 stolnir/3 varin skot, Bergþóra Holton Tómasdóttir 8, Hallveig Jónsdóttir 7, Guðbjörg Sverrisdóttir 6/7 fráköst/6 stoðsendingar/6 stolnir, Jónína Þórdís Karlssdóttir 2, Sóllilja Bjarnadóttir 2, Dagbjört Samúelsdóttir 0, Ragnheiður Benónísdóttir 0/15 fráköst, Helga Þórsdóttir 0, Dagbjört Dögg Karlsdóttir 0, Regína Ösp Guðmundsdóttir 0, Margrét Ósk Einarsdóttir 0.

Snæfell: Gunnhildur Gunnarsdóttir 19/3 varin skot, Haiden Denise Palmer 17/9 fráköst/5 stoðsendingar, Bryndís Guðmundsdóttir 8/4 fráköst, Hugrún Eva Valdimarsdóttir 4/4 fráköst, Berglind Gunnarsdóttir 4/6 fráköst, Andrea Björt Ólafsdóttir 3/5 fráköst, Rebekka Rán Karlsdóttir 3, María Björnsdóttir 3, Sara Diljá Sigurðardóttir 2/5 fráköst, Alda Leif Jónsdóttir 2, Anna Soffía Lárusdóttir 0, Erna Hákonardóttir 0.

Snæfell er með 30 stig á toppi deildarinnar, jafnmörg og Haukar sem unnu skyldusigur á Hamri, 66-84, í Hveragerði.

Leikurinn var í raun búinn í hálfleik þegar staðan var 36-55, Haukum í vil.

Hafnfirðingar slökuðu aðeins á klónni í seinni hálfleik en það breytti engu. Lokatölur 66-84, Haukum í vil.

Helena Sverrisdóttir skoraði 20 stig fyrir Hauka, tók átta fráköst og gaf sex stoðsendingar. Landsliðsfyrirliðinn hitti úr níu af 13 skotum sínum í leiknum.

Chelsie Schweers kom næst með 14 stig og Jóhanna Björk Sveinsdóttir skilaði 12 stigum. Allir leikmenn Hauka nema einn komust á blað í leiknum.

Alexandra Ford og Íris Ásgeirsdóttir voru allt í öllu hjá Hamri og skoruðu samtals 47 af 66 stigum Hvergerðinga. Ford var með 29 stig og Íris 18.

Tölfræði leiks:

Hamar-Haukar 66-84 (20-25, 16-30, 13-14, 17-15)

Hamar: Alexandra Ford 29/8 fráköst, Íris Ásgeirsdóttir 18/5 fráköst, Salbjörg Ragna Sævarsdóttir 9/9 fráköst, Jenný Harðardóttir 4/4 fráköst, Nína Jenný Kristjánsdóttir 3, Heiða Björg Valdimarsdóttir 2, Karen Munda Jónsdóttir 1, Hrafnhildur Magnúsdóttir 0, Margrét Hrund Arnarsdóttir 0, Vilborg Óttarsdóttir 0, Jóhanna Herdís Sævarsdóttir 0.

Haukar: Helena Sverrisdóttir 20/8 fráköst/6 stoðsendingar, Chelsie Alexa Schweers 14/6 fráköst, Jóhanna Björk Sveinsdóttir 12/5 fráköst, María Lind Sigurðardóttir 8/4 fráköst, Þórdís Jóna Kristjánsdóttir 8, Dýrfinna Arnardóttir 5/4 fráköst, Hanna Þráinsdóttir 4, Sylvía Rún Hálfdanardóttir 4/7 fráköst, Pálína María Gunnlaugsdóttir 3/5 stoðsendingar, Sólrún Inga Gísladóttir 3, Auður Íris Ólafsdóttir 3/6 fráköst, Shanna Dacanay 0.