Tap Englands kostaði Íslenskar getraunir formúu

Íslenskar getraunir töldu næsta víst að England myndi standa uppi sem sigurvegari í leik Íslands og Englands í 16-liða úrslitum Evrópumótsins í gær. Stuðlarnir á Ísland voru því talstvert háir og færðu íslenskir tipparar sér það í nyt.

Langflestir veðjuðu á íslenskan sigur og höfðu rétt fyrir sér. Leikurinn er sá kostnaðarsamasti í sögu fyrirtækisins en aldrei hefur eins há upphæð verið greidd út í verðlaunafé fyrir einstakan leik á Lengjunni. Útborgunarhlutfall reyndist vera 368 prósent. Þetta kemur fram í tilkynningu frá fyrirtækinu.

Vorum að tapa milljónum á þessum úrslitum á Lengjunni - líður samt ótrúlega vel #EMÍSLAND

— Stefan Konraðsson (@stekonrad) June 27, 2016