Viðskipti innlent

Dagar Tíu dropa á Laugavegi senn taldir

Kolbeinn Tumi Daðason skrifar
Rekstraraðilar útiloka þó ekki að halda rekstri Tíu dropa áfram á nýjum stað í miðborginni gefist tækifæri til þess. Þeir þurfa að yfirgefa Laugaveg 27 í síðasta lagi 13. júlí.
Rekstraraðilar útiloka þó ekki að halda rekstri Tíu dropa áfram á nýjum stað í miðborginni gefist tækifæri til þess. Þeir þurfa að yfirgefa Laugaveg 27 í síðasta lagi 13. júlí. Mynd/Facebook-síða Tíu dropa
Rekstaraðilum kaffihússins Tíu Dropa á Laugavegi 27 hefur verið gert að hætta starfsemi þess og rýma húsnæðið í júlí í sumar. Kaffihúsið hefur verið starfrækt í kjallaranum í um þrjá áratugi. Þetta kemur fram í tilkynningu frá Arnari Þór Gíslasyni og Loga Helgasyni, sem eigenda Tíu dropa.

 Þar segir að eigandi húsnæðisins, Ingibjörg Ingólfsdóttir (Yndi ehf), hafi selt nýjum eigendum húsnæðið á dögunum. Um leið hafi húsaleigusamningi við Tíu dropa verið sagt upp. Nýju eigendurnir munu vera Vietnam Restaurant ehf.

Rekstraraðilar þurfa að yfirgefa húsnæðið í síðasta lagi 13. júlí.

Arnar Þór Gíslason, annar af rekstraraðilum Tíu dropa.Vísir/Valli
„ Rekstraraðilar gerðu allt sem í þeirra valdi stóð til þess að ná samkomulagi við húseiganda um áframhaldandi leigu húsnæðisins en án árangurs. Rekstrarstöðvun er því óhjákvæmileg með tilheyrandi fjárhagslegu og tilfinningalegu áfalli fyrir rekstraraðila og starfsfólk kaffihússins.“

 Tíu dropar kveðja því miðborgina að sinni og þakka þeim fjölmörgu sem hafa komið og notið þess að vera á Tíu dropum undanfarin ár að því er segir í tilkynningunni. Rekstraraðilar útiloka þó ekki að halda rekstri Tíu dropa áfram á nýjum stað í miðborginni gefist tækifæri til þess.

 Arnar Þór og Logi eru umsvifamiklir í viðskiptum þegar kemur að skemmtanahaldi í miðbæ Reykjavíkur. Reka þeir meðal annars Lebowski, Dönsku og English Pub.  


Tengdar fréttir

Hvar er besti brönsinn?

Álitsgjafar varpa ljósi á það hvar besta brönsinn er að finna í Reykjavík.

Ætla að hertaka hægri hlið Laugavegar

Hermann Fannar Valgarðsson og Valdimar Geir Halldórsson reka saman kaffihúsið Nýlenduvöruverslun Hemma og Valda auk farfuglaheimilisins Reykjavík Backpackers. Nú hafa þeir félagar einnig tekið við rekstri kaffihússins Tíu dropa við Laugaveg.



Mest lesið


Fleiri fréttir

Sjá meira


×

Mest lesið