Upplýsingum um skuldir Marussia liðsins lekið

Marussia liðið skuldaði lánadrottnum andvirði rúmlega 6 milljarða króna samkvæmt skjölunum þegar það var lýst gjaldþrota. Upplýsingar um skuldir liðsins voru á skjölum sem lekið var úr þrotabúinu.

Meira en helmingur skuldarinnar var fé sem liðið skuldaði Ferrari fyrir vélar þess. Marussia skuldaði Mclaren rúmlega 1,3 milljarð króna vegna tæknisamstarfs liðanna.

Skjölin innihéldu ekki upplýsingar um skuldir liðsins til Lloyds þróunarsjóðsins og Marussia fjarskiptafyrirtækisins. Á heildina litið skuldaði Marussia í raun 11,8 milljarða króna þegar það varð gjaldþrota.

Yfir 200 kröfuhafar hafa lýst kröfum í þrotabúið. Ferrari á um 3,3 milljarða króna kröfu og Snap on Tools á til að mynda 430 milljóna kröfu.

Eftirstandandi eigur liðsins hafa verið settar á uppoð. Sögusagnir eru á kreiki um Haas liðið sem mun mæta til keppni í Formúlu 1 árið 2016 hafi keypt höfuðstöðvar Marussia í Banbury á Englandi.